________________
श्रीगुणचंद महावीरच०
४ प्रस्तावः
॥ ८६ ॥
Jain Educatio
जेण - बंभणसमणच्चिय मरणकज्जमब्भुजमंति नो धीरा । विहिविहडियंपि कज्जं घडंति ते बुद्धिविहवेणं ॥ ६ ॥ ता-चविसायपिसायं अणलसमविमुक्कविकमेक्करसं । अणुसरइ सिरी दूरं गयावि पुरिसं हरिसियन ॥ ७ ॥
ओ मए भणियं - भयवं ! विमूढचित्तलक्खो म्हि संपयं, न जाणामि जुत्ताजुत्तं न मुणामि उवायं न समीहेमि खत्तधम्मं न वियारेमि जणनिंदं न लक्खेमि सुहदुक्खं, सबहा कुलालदढदंडचालियचकाधिरूढं व मम मणो न मणापि कत्थवि अवत्थाणं पावइ, तो भयवं ! तुमं चेव साहेहि, किं कायचं ? को वा उवाओ समीहियत्थसि - द्धीए ?, महाकालेण भणियं-वच्छ ! पवज्जसु मम पवज्जं, आराहेसु चरणकमलं, अब्भस्सेसु जोगमग्गं, होहिंति गुरुमत्तीए मणोरहसिद्धीओ, तओ भयसंभंतो इव सरणागयवच्छलं दालिद्दाभिभूओ इव कप्पपायवं महारोगपीडिओ इव परमवेज्जं पहीणचक्खुवलो इव पहदेसगं सङ्घायरेण तमाराहिउं पवत्तो, दूरमागरिसियं च विणएण मए तस्स चित्तं, निउत्तोऽहमेक्को तेण नियरहस्सठाणेसु सिक्खाविओ निस्सेसाई आगिट्ठिपमुहाई कोऊहलाई, अन्नया य पसत्थेसु तिहिनक्खत्तमुहुत्तेसु परमपमोयमुवहंतेण तेण एगंते उवइट्ठो मम तइलोक्कविजओ मंतो, कहिओ साहणविही जहा - अट्ठोत्तरसयपहाणखत्तिएहिं मसाणहुयासणो तप्पणिजो, कायचं दिसिदेवयाव लिवियरणं, पवहियवं अणवरयमंतसुमरणं, तओ एस सिज्झिहिई, काही य एगच्छत्तधरणियलरज्जदाणं, पडिवन्नो य मए विजय पण एण, समाढत्तो य साहिउं, गओ कलिंगपमुहेसु देसेसु, आरद्धो य जहालाभं खत्तियनरुत्तमेहिं होमो जाव एत्तियं कालंति ।
ational
For Private & Personal Use Only
महाकालसेवा त्रैलोक्यविजयः
॥ ८६ ॥
ainelibrary.org
