________________
३५ महा०
Jain Educatio
रज्जकज्जविसयं जं जमुवायं घडेइ सो निउणो । दइवो पडिकूलो इव तं तं विहडेर निक्करुणो ॥ १ ॥ अन्नया य गाढवि | सायव सविसंठुलेण मुणियपरमत्थेण भणियं सोमदत्तेण-देव ! निम्मज्जाएहिं मंतिसामंताईहिं तुम्ह पंचत्तगमणवत्ता निवत्तिया राइणो पुरो, ता जइ कहंपि रायवाडियाए निग्गयस्स विजयसेणस्स दंसणपहे ठाऊण नियदंसणं ठावेसि ता जुत्तं होइत्ति, जओ तुम्ह दंसणं वाढमभिकंखर एसो, पडिवन्नं च मए एयं तदणुरोहेण, अन्नया य पवरकरेणुगाखंधगओ निग्गओ विहारजत्ताए विजयसेणो, पासायसिहरमारुहिऊण य ठिओ अहं से चक्खुगोयरे, झडति दिट्ठोऽहमणेण, सागयं २ चिरागयबंधवस्सत्ति हरिसुप्फुल्ललोयणो य जाव सो वाहरिडं पवत्तो ताव तक्खणा चैव मंतिसामंतपमुहेहिं रहया अंबरे अंतरवडा, कओ हलवोलो, नियत्तिओ विहारजत्ताओ राया । भणियं चअसिवं तु किंपि इमं जं देव ! पिसायदंसणं जायं । किं पंचत्तगयजणो दीसह य कयावि पञ्चक्खो ? ॥ १ ॥ ता लहु गच्छ भवणं संतिं कारेह देह भूयवलिं । पारंभह होमविहिं सुमरह मधुंजय मंतं ॥ २ ॥ वियरसु सुवण्णदाणं माहणसमणाग तकुयजणाणं । एवं कहिए सिग्धं मिंटेणं चोइया करिणी ॥ ३ ॥ भवमि तओ गंतुं जं जह भणियं तहेव नीसेसं । अइमुद्धबुद्धिभावा करावियं विजयसेणेण ॥ ४ ॥ अहं पुण निरुच्छाहो निराणंदो ववगयधीरिमभावो अवयरिय तओ ठाणाओ सोमदत्तस्स अकहमाणो चेव पच्छन्नदेसे ठाऊण चिंतिउमाढत्तो, कहं ?
For Private & Personal Use Only
Mainelibrary.org
