________________
श्रीगुणचंद महावीरच० ४ प्रस्तावः
॥ ८० ॥
Jain Education
असिखेडयहत्थेहिं तस्संगं छाइयं वरभडेहिं । ओगासगलभमाणो रुद्धो खयरो तओ भणइ ॥ २ ॥ हे भो नरिंद! मुंचसु एयं खयराहमं मम वहट्ठा। एसो खु मज्झ वइरी विणासियो मएऽवस्सं ॥ ३ ॥ भणिओ य मए खयरो किं पलवसि तं पिसायगहिओघ । किं एस खत्तधम्मो ? जेणेवमहं करेमित्ति ॥ ४ ॥ किं चावर मिमिणा जेणेयं मारिडं समीहेसि । सो भणइ एस मम दारभोगरसिओत्ति ता हणिमो ॥ ५ ॥ ताहे मए स भणिओ साहू इयरो व होउ नऽप्पेमि । सरणागयरक्खणलक्खणं च राईण खत्तवयं ॥ ६ ॥ उब्बद्धभिउडिभंगो रोसारुणनयणजुयलदुप्पेच्छो । फरुसक्खरेहिं खयरो ताहे मं भणिउमादत्तो ॥ ७ ॥ रे रे दुराहिब ! मा बोसु केसरिं सुहपसुत्तं । दिट्ठीविसाहितुंडं कंड्यसु मा करग्गेण ॥ ८ ॥ जालालिभीममरिंग अवक्कमसु य मा तुमं पयंगोध । जइ वंछसि चिरकालं रज्जं काउं महियलंमि ॥ ९ ॥ भणिओ य ए एस किं रे बाहरसि मुक्कमज्जाय ! । सप्पुरिसमग्गलग्गस्स मज्झ जं होइ तं होउ ॥ १० ॥ चिरकालजीविएणवि पेरंतेऽवस्समेव मरियवं । ता अवसर दिट्ठिपहाओ कुणसु जं तुज्झ पडिहाइ ॥ ११ ॥ ज एवं ता विहिणो मा दाहिसि दूसणं तुमं राय ! । इय भणिऊण सरोसो खयरो सो गयणमुप्पइओ ॥ १२ ॥ तयणंतरं मए निरूविओ सो भूमितलनिवडिओ विजाहरो जाव अज्जवि सजीवो ताहे काराविया - चंदणरसच्छडापहाणा सिसिरोवयारा संवाहियाई सरीरसंवाहणनिउणेहिं पुरिसेहिं सबंगाई, खणंतरेण लद्धा तेण
For Private & Personal Use Only
विद्याधररक्षा.
॥ ८० ॥
Phelibrary.org
