________________
तथा-नियचक्कसंधिरक्खणवियक्खणो पयइपालणाभिरओ। अन्नोऽन्नवद्धपणओ दूरं संतोससारो य ॥३॥
सुप्पणिहियपणिहियओ पमुणियरिउचक्काविलवावारो। पहुभत्तो गुणरागी निबूढभरो महारंभो ॥४॥
एकेकपहाणगुणो मंतिजणो बुद्धिसारपमुहो से । अत्थी समत्थनयसत्थ(नि)समणवित्थरियमइपसरो ॥५॥ . अणवरयमसुरकीरंतडमरभयविहुरसुरवहूसुहडं । हीरंतपवररयणं जो सोचा तियसरायपुरिं ॥६॥ उवहसइ सुरगुरुंपिव सबुद्धिमाहप्पपडिहयविपक्खो। तस्स किर मंतिवग्गस्स भणसु केणोवमं कुणिमो ?॥७॥जुम्म।
एवंविहगुणे मंतिजणे समारोवियरजचिंतामहाभरस्स लीलाए चिय धरं धरतस्स गामागरनगराउलं धरणिमंडलं वसमुवर्णितस्स जायमरणभयवामोहं दुइंतसामंतसमूहं पवत्तयंतस्स दीणाणाहजणमणोवंछियपूरणेकपचलाओ महादाणसालाओ कारितस्स तुंगसिंगोवहसियहिमसेलसिहरसिंगाई मयणाइमंदिराई निसामिंतस्स धम्मत्थपयासण-|
समत्थाई समयसत्थाई आराहिंतस्स दुक्करतवचरणसलिलपक्खालियपावमलाई गुरुचरणकमलाई निवारिंतस्स जऐणियजणवामोहं धम्मविरोहं सम्माणितस्स गुणगणोदग्गं पणइसयणवग्गं पुवजियसुकयसमुब्भवंतचिंताइरित्तसो
क्खस्स पुरिसत्यसेवणन्भुजयस्स नयविणयवंतस्स दाणाणदियवंदिजणसंदोहुग्घुटलठ्ठचरियस्स वोलिंति वासरा तस्स राइणो भुयणपयडस्स । अन्नया य विचित्तचित्तमणहरंमि मंदिरंमि पच्छिमरयणीसमए सुहसेज्जाए सुत्तस्स तस्स मंदीभूयंमि निद्दापसरे वियक्खणेण पढियमेक्केण जामरक्खगपुरिसेण- .
३महा.
Jain Education
For Private Personel Use Only
