________________
Jain Educat
दूओ, भणिओ य- अरे गच्छसु पयावइस्स सगासे, भणसु य तं- एस आगओ आसग्गीवो राया जुज्झसज्जो वट्टर, सिग्धं संमुहो एहि, कुमारपेसणेण संमाणं वा करेहि, मा अकालेचिय कुलक्खयं जणेमुत्ति, जं देवो आणवेइत्ति | पडिच्छिऊण से सासणं नीहरिओ दूओ, कमेण य गओ पयावइस्स मूलं, कहिओ गरिंदा सो रुट्ठो तिविद्दुकुमारो, भणिउमाढत्तो य
रे दू! तुममवज्झो निम्भयचित्तो ममोवरोहेण । घोडयगीवं गंतुं फुडक्खरं भगसु वयणमिमं ॥ १ ॥ मा होहिसि विभओ बहुपरिवारोत्ति चिंतिउं अचिरा । सीहोब मइसिलिंग एस तिविद्द तुमं हणिही ॥ २ ॥ अज्जवि पयावइनिवो नियनामत्थं फुडं सुमरमाणो । रक्खइ तं जइ परिहरसि निडुरतं वहसि पणयं ॥ ३ ॥ अहऽभिणिविटुमणं सुठु भणियंपि दोसमावहइ । ता किं निरत्थएणं सिक्खादाणेण एएन ? ॥ ४ ॥ दूत भणियं अजवि दुस्सिक्खिया दढं तुम्हे । न मुणह देवस्स वलं तेणेवमसंक मुलवह ॥ ५ ॥ अह पयावइणा भणियं-भद्द! वच नियनरिंदसगासं, साहेसु य जहा- एस आगओ पयावइत्ति, एवमाइन्निऊण निग्गओ दूओ, राइणावि काराविओ सेन्नसंवाहो, तओ पक्खरिज्जंतदप्पियवग्गंततुरंगमं गुडिजंतगयघडं समरपरिहत्थुच्छहंतफारफारक चकं चंडगंडीवगुणज्झणकारमुहलुच्छलंतधणुद्धरं रहारूढपवरवीरं नाणाउहहत्यसमुत्थरंत सुहडसत्थं चलियं चाउरंगं वलं, तेण य परिवुडो पयंडगुडाडोबभासुरकुंजर कंधराधिरूढो नीहरिओ पुराओ पयावई, एत्थं
national
For Private & Personal Use Only
www.jainelibrary.org
