________________
| ॥ ७१९ ॥ गंथो मिच्छत्तधणाइओ मओ जे य निम्नया तत्तो। ते निम्गंधा कुत्ता तेसि पुलाओ भवे पढमो ॥ ७२० ॥
| मिच्छत्तं वेयतियं हासाई छक्कगं च नायवं । कोहाईण चउक्कं चउदस अभितरा गंथा ॥ ७२१ ॥ खेत्तं वत्थं धणधन्नसंचओ मित्तनाइसंजोगो । जाणसयणासणाणि य दासा दासीउ कुवियं च ॥ ७२२ ॥ धन्नमसारं भन्नइ पुलायसद्देण तेण जस्स समं । चरणं सो हु पुलाओ लद्धीसेवाहि सो य दुहा ॥ ७२३ ॥ उवगरणसरीरेसुं बउसो दुविहो दुहावि पंचविहो । | आभोग १ अणाभोए २ संबुड ३ अस्संबुडे ४ सुहुमे ५ ॥ ७२४ ॥ आसेवणा कसाए दुहा कुसीलो दुहावि पंचविहो । नाणे १ दंसण २ चरणे ३ तवे ४ य अहसुहुमए ५ चेव ॥ ७२५ ॥ उवसामगो १ य खवगो २ दुहा नियंठो दुहावि पंचवि हो । पढमसमओ १ अपढमो २ चरम ३ अचरमो ४ अहासुमो ५ ॥ ७२६ ॥ पाविज्जइ अट्ठसयं खवगाणुवसामगाण चउपन्ना । उक्कोसओ जहन्नेणेक्को व दुर्ग व तिगमहवा ॥ ७२७ ॥ सुहझाणजलविसुद्धो कम्ममलावेक्खया सिणाओत्ति । दुविहो य सो सजोगी तहा अजोगी विणिद्दिट्ठो ॥ ७२८ ॥ मूलुत्तरगुणविसया पडिसेवा सेवए पुलाए य । उत्तरगुणेसु बउसो सेसा पडिसेवणारहिया ॥ ७२९ ॥ निग्गंथसिणायाणं पुलाय सहियाण तिण्ह वोच्छेओ । समणा वउसकुसीला जा तित्थं ताव होहिंति ॥ ७३० ॥ ९३ द्वारम् ॥
निग्गंथ १ सक्क २ तावस ३ गेरुय ४ आजीव ५ पंचहा समणा । तम्मी निग्गंथा ते जे जिणसासणभवा मुणिणो ॥ ७३१ ॥ सक्का य सुगयसीसा जे जडिला ते उ तावसा गीया । जे धाउरत्तवत्था तिदंडिणो गेरुया ते उ ॥ ७३२ ॥ जे गोसालगमयमणुसरंति भन्नंति ते उ आजीवा । समणत्तणेण भुवणे पंचवि पत्ता प्रसिद्धिमिमे || ७३३ ॥ ९४ द्वारम् ॥
Jain Education International
For Private & Personal Use Only
www.jainelibrary.org
