________________
जागरमाणो इमं चिंतिउं पयत्तो-जाए पभायसमए जाव न गंतूण वंदिओ वीरो । ताव न पोसहमेयं पारेउं कप्पए मज्झ ॥१॥ इत्थं च पसत्थझाणोवगयरस कमेण वोलीणा रयणी, परिगलियतारतारयनियरकुसुमसमिद्धिस्स तुंगगयणंगणतरुस्स परिपक्कफलं पिव पच्छिमदिसादीहसाहाए लंबिउं पवित्तं ससिमंडलं, समुल्लसिया पुयदिसाए । अरुणच्छाया, तरणिकिरणसंफासवियसमाणकमलमउलमालामयरंदबिंदुसंदोहावहाराणुसारलग्गचंचरीयकुडियभीउव्य मंदमंदसंचारी रयणिसमयसमालग्गगाढसरयसंगामसमकिलंतकामिणीसेयसलिलाबहारी पसरिओ सिसिरपहाओ य मारुओ, एयंमि अंतरे विहियपाहाउयसंझावस्सओ निग्गंतूण पोसहसालाओ जहा महामुणी तहा पंचसमियाइउवउत्तो गओ भगवओ महावीरस्स बंदणत्थं कोहयचेइयं संखसावओ, दिवो तिलोयबंधू ।। पमोयभरनिन्भरयाए पयट्टजलवाहवाहवूरिज्जमाणलोयणेण पप्फुल्लवयणकमलेण य तिपयाहिणापुव्वं बंदिओ भावसारं, थोउं च पवत्तो, अविय-जय सयलभुवणबंधव ! जय करुणामयरसोहसरिणाह !। जय सिद्धत्थनराहिवतिसलादेवीण कयहरिस ? ॥ १ ॥ जय जम्मण्हवणचालियसुरगिरिकयगरुयहरिचमक्कार !। जय बालकालमुट्ठिप्पहारअवहरियसुरदप्प ? ॥२॥ जय सुरवरपुच्छियसद्दसत्थवित्थारकहियपरमत्थ! । जय
lain Education
For Private & Personel Use Only
*llwww.jainelibrary.org
