________________
चइऊणऽगारवासं चरित्तिणो तस्स पालणाहेउं । जं जं कुणंति चिट्ट सुत्ता सा सा जिणाणुमया ॥ २०८॥ अवगासो आयच्चिय जो वा सो वत्ति मुणिअतत्ताणं निअकारिओउमज्झं इमोत्ति दुक्खस्सुवायाणं॥२०९॥ तवसो अपिवासाई संतोऽवि न दुक्खरूवगा णेआ। जं ते खयस्स हेऊ निद्दिट्टा कम्मवाहिस्स ॥२१॥ वाहिस्स य खयहेऊ सेविजंता कुणंति धिइमेव । कडुगाईवि जणस्सा ईसिं दंसिंतगाऽऽरोग्गं ॥ २११ ॥ इअ एएऽवि अ मुणिणो कुणंति धिइमेव सुद्धभावस्स । गुरुआणासंपाडणचरणाइसयं निदंसिंता॥२१२॥ ण य तेऽवि होति पायं अविअप्पं धम्मसाहणमइस्सा। न य एगंतेणं चिअ ते कायवा जओ भणियं ॥ २१३॥ सो हु तवो कायद्यो जेण मणो मंगुलं न चिंतेइ । जेण न इंदिअहाणी जेण य जोगा ण हायति ॥ २१४ ॥ देहेऽवि अपडिबद्धो जो सो गहणं करेइ अन्नस्स । विहिआणुहाणमिणंति कह तओ पावविसओत्ति?॥२१५॥ तत्थवि अ धम्मझाणं न य आसंसा तओ अ सुहमेव । सबमिअमणुट्टाणं सुहावहं होइ विन्नेअं॥२१६॥ चारित्तविहीणस्स अभिसंगपरस्स कलुसभावस्स । अण्णाणिणो अजा पुण सापडिसिद्धा जिणवरेहिं ॥२१७॥ भिक्खं अडंति आरंभसंगया अपरिसुद्धपरिणामा । दीणा संसारफलं पावाओ जुत्तमेअंतु ॥२१८॥ इंसिं काऊण सुहं निवाडिआ जेहिं दुक्खगहणंमि । मायाएँ केइ पाणी तेसिं एआरिसं होइ ।। २१९॥ चईऊण घरावासं तस्स फलं चेव मोहपरतता।ण गिही ण य पवइआ संसारपवड्ढगा भणिआ ॥२२०॥ एएणं चिअ सेसं जं भणि तंपि सबमक्खित्तं । सुहझाणाइअभावा अगारवासंमि विपणेअं॥ २२१ ॥
Jain Education International
For Private Personal use only
www.jainelibrary.org
