________________
Jain Education
कूडे पण्णत्ते तं चैव पमाणं सिद्धायतणं च । जंबूए उत्तरस्स भवणस्स पच्चत्थिमेणं उत्तरपचत्थिमस्स पासायवडेंगस्स पुरत्थिमेणं एत्थ णं एगे कूडे पण्णत्ते, तं चेव, जंबूए उत्तरभवणस्स पुरत्थिमेणं उत्तरपुरथिमिल्लस्स पासायवडेंसगस्स पञ्चत्थिमेणं एत्थ णं एगे महं कूडे पण्णत्ते, तं चैव पमाणं तदेव सिद्धायतणं । जंबू णं सुदंसणा अण्णेहिं बहहिं तिलएहिं लउएहिं जाव रायरुक्खेहिं हिंगुरुक्खेहिं जाव सव्वतो समता संपरिक्खित्ता । जंबूते णं सुदंसणाए उवरिं बहवे अट्टट्टमंगलगा पण्णत्ता, तंजहा – सोत्थियसिरिवच्छ० किव्हा चामरज्झया जाव छत्तातिच्छत्ता ॥ जंबूए णं सुदंसणाए दुवालस णामधेज्जा पण्णत्ता, तंजहा - मुदंसणा अमोहा य, सुप्पबुद्धा जसोधरा । विदेहजंबू सोमणसा, णियया णिचमंडिया ॥ १ ॥ सुभद्दा य विसाला य, सुजाया
मणीतिया । सुदंसणाए जंत्रए, नामधेजा दुवालस ॥ २ ॥ से केणट्टेणं भंते! एवं बुच्चइ - जंबूसुदंसणा ?, गोयमा ! जंबूते णं सुदंसणाते जंबूदीवाहिवती अणाढिते णामं देवे महिडीए जाव पलिओमति परिवसति, से णं तत्थ चउन्हं सामाणियसाहस्सीणं जाव जंबूदीवस्स जंबूए सुदंसणाए अणाढियाते य रायधाणीए जाव विहरति । कहि णं भंते! अणाढियस्स जाव समत्ता वत्तया रायधाणीए महिड्डीए । अदुत्तरं च णं गोयमा । जंबुद्दीवे २ तत्थ तत्थ देसे तर्हि २ बहवे जंबूरुक्खा जंबूवणा जंबूवणसंडा णिचं कुसुमिया जाव सिरीए अतीव उवसोभे
For Private & Personal Use Only
Www.jainelibrary.org
