________________
श्रीजम्बूद्वीपशान्तिचन्द्री या वृत्ति॥१९९॥
३वक्षस्कारे मागधतीथकुमार| साधनं मू.
४५
पंचवण्णाई वत्थाई पवर परिहिए करयलपरिग्गहिरं देसणहं सिर जाव अंजलिं कटु भरहं रायं जएणं विजएणं वद्धावेइ २ त्ता एवं वयासी अभिजिए णं देवाणुप्पिएहिं केवलकप्पे भरहे वासे पुरच्छिमेणं मागहतित्थमेराए तं अहण्णं देवाणुप्पिआणं विसयवासी अहणं देवाणुप्पिआणं आणत्तीकिंकरे अण्णं देवाणुप्पिआणं पुरच्छिमिल्ले अंतवाले तं पडिच्छंतु णं देवाणुप्पिा ! मम इमेआरूवं पीइदाणंतिकट्ट. हारं मउडं कुंडलाणि अ कडगाणि अ जाव मागहतित्थोदगं च उवणेइ, तए णं से भरहे राया मागहतित्थकुमारस्स देवस्स इमेयारूवं पीइदाणं पडिच्छइ २ ता मागहतित्थकुमारं देवं सकारेइ सम्माणेइ २ ता पडिविसजेइ, तए णं से भरहे राया रह परावत्तेइ २ त्ता मागहतित्थेणं लवणसमुद्दाओ पञ्चुत्तरइ २ त्ता जेणेव विजयखंधावारणिवेसे जेणेव बाहिरिआ उवट्ठाणसाला तेणेव उवागच्छइ २ त्ता तुरए णिगिण्हइ २ त्ता रहं ठवेइ २ रहाओ पच्चोरुहति २त्ता जेणेव मजणघरे तेणेव उवागच्छति २ मजणधरं अणुपविसइ २ ता जाव ससिब पिअदंसणे णरवई मज्जणघराओ पडिणिक्खमइ २ त्ता जेणेव भोअणमंडवे तेणेव उवागच्छइ २ त्ता भोअणमंडवंसि सुहासणवरगए अट्ठमभत्तं पारेइ २ त्ता भोअणमंडवाओ पडिणिक्खमइ २ त्ता जेणेव बाहिरिआ उवट्ठाणसाला जेणेव सीहासणे तेणेव उवागच्छइ २ त्ता सीहासणवरगए पुरत्याभिमुहे णिसीअइ २ त्ता अट्ठारस सेणिप्पसेणीओ सद्दावेइ २ त्ता एवं वयासी-खिप्पामेव भो! देवाणुप्पिया उस्सुक्क उक्करं जाव मागहतित्थकुमारस्स देवस्स अट्ठाहि महामहिमं करेह २ त्ता मम एअमाणत्ति पञ्चप्पिणह, तए णं ताओ अट्ठारस सेणिप्पसेणीओ भरहेणं रण्णा एवं वुत्ताओ समाणीओ हट्ट जाव करेंति २ त्ता एअमाणत्ति पञ्चप्पिणंति, तए णं से दिवे चक्करयणे वइरामयतुंबे लोहिअक्खामयारए जंबूणयणेमीए णाणामणिखुरप्पथालपरिगए मणिमुत्ताजालभूसिए सणंदिघोसे सखिखिणीए दिब्बे तरुणरविमंडलणिभे णाणा
॥१९९॥
Jain Education in
a
For Private & Personal use only
Tiw.jainelibrary.org
