________________
णिवावेह, तए णं ते मेहकुमारा देवा तित्थगरचिइगं जाव णिवावेंति, तए णं से सक्के देविंदे देवराया भगवओ तित्थगरस्स उवरिलं दाहिणं सकहं गेण्हइ ईसाणे देविंदे देवराया उवरिल्लं वामं सकहं गेहइ, चमरे असुरिंदे असुरराया हिडिल्लं दाहिणं सकहं गेण्हइ बली वइरोअणिंदे वइरोअणराया हिडिल्लं वामं सकहं गेण्हइ, अवसेसा भवणवइ जाव वेमाणिआ देवा जहारिहं अवसेसाई अंगमंगाई, केई जिणभत्तीए केई जीअमेअंतिकट्ठ केइ धम्मोत्तिक? गेण्हंति, तए णं से सके देविंदे देवराया बहवे भवणवा जाव वेमाणिए देवे जहारिहं एवं वयासी-खिप्पामेव भो देवाणुप्पिआ ! सबरयणामए महइमहालए तओ चेइअथूभे करेह, एगं भगवओ तित्थगरस्स चिइगाए एगं गणहरचिइगाए एग अवसेसाणं अणगाराणं चिइगाए, तए णं ते बवे जाव करेंति, तए णं ते बहवे भवणवइ जाव वेमाणिआ देवा तित्थगरस्स परिणिवाणमहिमं करेंति २ त्ता जेणेव नंदीसरवरे दीवे तेणेव उवागच्छन्ति तए णं से सक्के देविंदे देवराया पुरच्छिमिल्ले अंजणगपबए अट्टाहिमहामहिमं करेति,तए णं सक्कस्स देविंदस्स० चत्वारि लोगपाला चउसु दहिमुहंगपवएसु अट्ठाहियं महामहिमं करेंति, ईसाणे देविंदे देवराया उत्तरिल्ले अंजणगे अट्ठाहि तस्स लोगपाला चउसु दहिमुद्दगेसु अट्ठाहि चमरो अ दाहिणिल्ले अंजणगे तस्स लोगपाला दहिमुहगपवएसु बली पञ्चथिमिल्ले अंजणगे तस्स लोगपाला दहिमुहगेसु, तए णं ते बहवे भवणवइवाणमंतर जाव अट्ठाहिआओ महामहिमाओ करेंति करित्ता तेणेव साई २ विमाणाई जेणेव साइं २ भवणाई जेणेव साओ २ सभाओ सुहम्माओ जेणेव सगा २ माणवगा चेइअखंभा तेणेव उवागच्छंति २ त्ता वइरामएसु गोलवट्टसमुग्गएसु जिणसकहाओ पक्खिवंति २ अग्गेहिं वरेहिं मल्लेहि अ गंधेहि अ अचेति २ विउलाई भोगभोगाई भुंजमाणा विहरंति (सूत्रं ३३)
Jain Education
For Private
Personal Use Only
W
inelibrary.org
