________________
समएणं ईसाणे देविंदे देवराया उत्तरद्धलोगाहिवई अट्ठावीसविमाणसयसहस्साहिबई सूलपाणी वसहवाहणे सुरिंदे अयरंबरवत्यधरे जाव विउलाई भोगभोगाई भुंजमाणे विहरइ, तए णं तस्स ईसाणस्स देविंदस्स देवरण्णो आसणं चलइ, तए णं से ईसाणे जाव देवराया आसणं चलिअं पासइ २त्ता ओहिं पउंजइ २ चा भगवं तित्थगरं ओहिणा आभोएइ २ चा जहा सके निअगपरि• वारेणं भाणेअव्वो जाव पज्जुवासइ, एवं सब्वे देविंदा जाव अचुए णिअगपरिवारेणं आणेअव्वा, एवं जाव भवणवासीणं इंदा
वाणमंतराणं सोलस जोइसिआणं दोण्णि निअगपरिवारा अब्वा । तए णं सके देविंदे देवराया बहबे भवणवइवाणमंतरजोइसमाणिए देवे एवं वयासी-खिप्पामेव भो देवाणुप्पिआ! गंदणवणाओ सरसाइं गोसीसवरचंदणकट्ठाई साहरह २ तासओ चिइगाओ रएह-एगं भगवओ तित्थगरस्स एगं गणधराणं एगं अवसेसाणं अणगाराणं । तए णं ते भवणवइजाववेमाणिभा देवा गंदणवणाओ सरसाई गोसीसवरचंदणकट्ठाई साहरंति २ चा तो चिइगाओ रएंति, एगं भगवओ तित्थगरस्स एगं गणहराणं एग अवसेसाणं अणगाराणं, तए णं से सक्के देविंदे देवराया आमिओगे देवे सद्दावेइ २ त्ता एवं वयासी-खिप्पामेव भो देवाणुप्पिया! खीरोदगसमुद्दाओ खीरोदगं साहरह, तए णं ते आमिओगा देवा खीरोदगसमुद्दाओ खीरोदगं साहरंति, तए णं से सके देविंदे देवराया तित्थगरसरीरगं खीरोदगेणं ण्हाणेति २ ता सरसेणं गोसीसवरचंदणेणं अणुलिंपइ २ ता हंसलक्षणं पडसाडयं णिअंसेइ २ ता सबालंकारविभूसिअं करेंति, तए णं ते भवणवइ जाव वेमाणिआ गणहरसरीरगाइं अणगारसरीरगाइंपि खीरोदगेणं व्हावंति २ ता सरसेणं गोसीसवरचंदणेणं अणुलिंपंति २ ता अहताई दिवाई देवदूसजुअलाई णिसंति २ चा सबालंकारविभूसिआई करेंति, तए णं से सके देविंदे देवराया ते बहवे भवणवइ जाव वेमाणिए देवे एवं वयासी-खिप्पामेव भो
Jan Education
a
l
For Private Personal Use Only
ww.jainelibrary.org
