________________
सिरिसंतिनाहचरिए
बारसम भवग्गहणं
सव्विड्ढीए सपरिसा भत्तिवसुल्लसियबहलरोमंचा । ण्हाण-विलेवणपूर्य काऊणं संथुणति तओ ॥११९॥७४२९॥ थोऊण य भत्तीए सुमरता संतिजिणवर हियए। नियनियाणेसु गया जहाऽऽगया सुरगणा सब्बे ॥१२०॥७४३०॥ चक्काउहो वि भयवं गणनाहो विहरए महीवीढं । बहुसमणगणसमग्गो बोहतो भवियकमलाई ॥१२१॥७४३१॥ अवणेतो य असेस संसयतिमिरं जिणो व्य लोयाण । सरयससिकरसमप्पभजसेण धवलियमहीवीढो ॥१२२॥७४३२॥ विहरित्ता वासाई बहूणि घणघाइकम्मनिम्मुक्को । उप्पाडियवरनाणो संजाओ केवली भयवं ॥१२३॥७४३३॥ तियसिंदवंदनमिओ केवलिमहिमाए पूइओ संतो । केवलिपरियाएणं विहरित्ता अंतकालम्मि ॥१२४॥७४३४॥ अत्थि इह भरहखेत्ते मज्झिमखंडम्मि तियसगणमहियं । 'कोडीसिलं' ति नाम परमपवित्तं महातित्थं ॥१२५॥७४३५॥ तीए चक्काउहगणहरेण बहुकेवलीहिं सहिएण । विहियं अणसणमणहं आउयअंते य सिद्धो उ ॥१२६॥७४३६।। तीए य वरसिलाए चक्काउहचरणफरिसपूयाए । कालेणं जतेणं सिद्धाओ अणेगकोडीओ ॥१२७॥७४३७॥ तहा यसिद्धिगए गणनाहे तित्थे सिरिसतिजिणवरेंदस्स । संखेजाओ तीए सिद्धाओ समणकोडीओ ॥१२८॥७४३८॥ कंथुस्स वि तित्थम्मी संखेजाओ मुणीण कोडीओ । तीए य वरसिलाए धुयकम्मंसाओ सिद्धाओ ॥१२९॥७४३९॥ अरसामिणो वि तित्थे बारसकोडीओ केवलिमुणीण । अटुपयारं कम्म खविऊण गयाओ सिद्धीए ॥१३०॥७४४०॥ मल्लिजिणस्स वि तित्थे बहुविहगुणभूसियंगमंगाण । छ क्कोडीओ मुणीणं सिद्धाओ केवलधराण ॥१३१॥७४४१॥ १. केवलम पा० का० ।।
८९३
