________________
सिरिसंतिनाहचरिए
सिरिसंतिजिणिंदस्स णिव्वाणं
ते सब्बे वि हु देवा असुरा देवीओ खेयरा तह य । सिरिसंतिजिणवरस्स उ अणसणमहिम पकुव्वंति ॥६५॥७३७२॥ काऊण पुष्फपयर नाणाविहजलय-थलयकुसुमेहिं । वरगीय कुणमाणा चाउव्विहतूरसद्देहिं ॥६६॥७७७३॥ बहुहाव-भावकरणंगहारजुत्तं च पवरपेच्छणयं काऊण तओ गुरूभत्तिसंजुया धुणहिं संतिजिणं ॥६४॥७३७४॥ "राय-दोसनिसुंभण ! महमोहतमोहनासणदिणेस ! । कोहकसायमहादवनिन्नासणअहिणवसुमेह ! ॥६५॥७३७५॥ माणमहागुरुपव्ययसयखंडीकरणनिसियवरवज्ज ! । मायावल्लीकंदयउक्कंदणपवरकुद्दाल ! ॥६६॥७३७६॥ लोहजलासयदिणयर ! काममहासुहडदलणचक्कहर ! । दुटुऽटुकम्मकरिवरकुंभत्थलदलणवरसीह ! ॥६७॥७३७७॥ मिच्छत्तबहलधूली-रयनासणउल्लसंतगुरुपवण ! । असुहमणतुरयनिग्गहणयवलहय मद्दयजिणिंद ॥६८॥७३७८॥ इंदाईहिं वि वंदिय! किं बहुणा? सयलगुणगणावास!। उत्तारिऊण अम्हे भवाओ जिण! नेहि मोक्खम्मि" ॥६९॥७३७९॥ एवं कुणमाणाणं ताणं सुर-असुर-खेयर-नराणं । जेटुस्स बहुलतेरसिदिणम्मि भरणीगए चंदे ॥७०॥७३८०॥
झायतो सुहझाणं सुक्कं जं चउब्बि (वि)हं समक्खायं । तस्स वि चरमं भेयं झायंतो सो गओ सिद्धिं ॥७१॥७३८१॥ जा य
८८७
१. "महाअसुरद° पा० ।। २. दृश्यतां चतुर्थ परिशिष्टम् ।। ३. चरिमं का० ॥
