________________
सिरिसंतिनाहचरिए
सावगस्स सुद्दगस्स अक्खाणयं
सा जपइ 'जइ एवं, तो अहमवि नाह ! पव्वइस्सामि' । नाऊण तीए चित्तं राया सामंतपरियरिओ ॥१९५॥७२१८॥ बइसारइ नियरज्जे हरिवेग पवररिद्धिसंजुत्तो । आपुच्छिऊण तत्तो निक्खंतो बहुपरीवारो ॥१९६॥७२१९॥ संवेगरंगकलिओ करेइ उग्गं तवं अणुटुाणं । एवं संपत्तम्मि कमेण अह अंतकालम्मि ॥१९७॥७२२०॥ काऊण विविहसलेहणं तओ पायवोवगमणेणं । अणसणविहिणा मरिउ संपत्तो देवलोगम्मि ॥१९८॥७२२१॥ भोत्तूण तत्थ सोक्खं, तत्तो चविऊण आउयंतम्मि । उप्पजिहिइ विसिटे रायकुले कुमरभावेण ॥१९९॥७२२२॥ कामेसु असजंतो तत्थ वि घेत्तूण पवरसामन्नं । उप्पाडिही अणतं वरनाणं घाइकम्मखए ॥२००॥७२२३॥ संबोहिऊण भव्ये संपत्ते आउयस्स पजते । कयसेलेसीकिरिओ लहिही मोक्खं सयासोक्ख ॥२०१॥७२२४॥ इय चक्काउहनरवर ! इह चेव य अतिहिसंविभागस्स । फलविसए उद्दिडो जो पुब्बिं सद्दगो आसि ॥२०२॥७२२५॥ एसो सो परिकहिओ ता नाऊणं इमं फलं तुब्भे । सव्योवाहिविसुद्धं वियरह अतिहीण वरदाणं" ॥२०३॥७२२६॥ इय बारसमम्मि वए फलमेयं वण्णिय समासेण । एवं परिकहियाई बारस वि वयाई तुम्ह मए ॥२०४॥७२२७॥ एयाई पालिऊणं निरईयाराई सुद्धभावेण । पच्छा करेज सड्ढो विहिणा संलेहणं अंते ॥२०५॥७२२८॥ सा य इह सावयाणं परिपालियपवरनिययधम्माणं । ज सव्वविरइगहणं एसा सलेहणा सुद्धा ॥२०६॥७२२९॥
८७३
१. "तयाल° पा० ।। २. उप्पज्जिही का० ।। ३. दृश्यता चतुर्थ परिशिष्टम् ।। ४. सो एसो परि° पा० विना ।।
