________________
सिरि नाहचरिए
सावगस्स सुद्दगस्स अक्खाणयं
नाणाविहाओ जत्ताओ तेसु जिणमंदिरेसु कारेंतो । अन्न पि धम्मकिचं पालेतो चिटुए जाव ॥१८४॥७२०७॥ ता अन्नया कयाई उज्जाणे नंदणम्मि रमणीए । चारणमुणी महप्पा नाणचउक्केण दिपंतो ॥१८५॥७२०८॥
संपत्तो विहरतो बहुसीससमन्निओ गुणगणड्ढो । नामेण अमरतेओ, तेएण रवि व्य दिप्पंतो ॥१८६॥७२०९॥ , बद्धाविओ य राया उज्जाणयपालएहिं पुरिसेहिं । जह 'देवुजाणम्मि समोसढो अमरतेयमुणी' ॥१८७॥७२१०॥
तं सोऊणं राया अंतेउरसंजुओ सपरिवारो । सामंतचडयरेणं बंदणवडियाए निजाइ ॥१८८॥७२११॥
गंतूण मुणिसयासे वंदित्ता विसइ धरणिवीढम्मि । साहू वि हु धम्मकह कहेइ निसुणेइ य नरेंदो ॥१८९॥७२१२॥ * अह धम्मदेसणं तं सोऊणं सुद्दगस्स नरवइणो । चारित्ताऽऽवारयकम्मसंचयो वियलिओ सहसा ॥१९०॥७२१३॥
तो विन्नवइ नरेंदो भालयले करिय विमलकरजुयलं । 'जा आवेमि रज्जे कुमर नामेण हरिवेग ॥१९१॥७२१४॥ आपुच्छामि य देविं जा तह सामंत-मंतिवग्गं च । ता तुम्हाण समीवे सामण्णं अब्भुवेहामि ॥१९२॥७२१५॥ भणइ गुरू वि 'महायस ! जुत्तमिण सत्त-साहसधणाणं । तुम्हारिसाण सुपुरिस ! ता कायब्बो न हुपमाओ' ॥१९३॥७२१६॥ 'इच्छं' ति भाणिऊणं वच्चइ निययम्मि मंदिरे राया। तो आपुच्छइ देवि जहा 'अहं पव्वइस्सामि' ॥१९४॥७२१७॥ १. पालितो पा० विना ।। २. नामेण विमलसीलो खंताइगुणेण संजुत्तो ।। बद्धा जे० ॥ ३. निजाए का० ।। ४. तो पुच्छेइ य देविं पा० ।।
८७२
