________________
सिरिसंतिनाहचरिए
सावगस्स सुद्दगस्स अक्खाणय
'हल! सहि ! तुज्झ परिक्खणहे सव्यं पि जंपियं एयं । जं पुण सच्चं तं तुह पइण चिय पेसिया अम्हे ॥१३८॥७१६१॥ असि तुम किर वुत्ता पइणा अह तम्मिनिग्गमणसमए । किं मह मरणम्मिपिए! पाणे परिचयसि किं वनवा? ॥१३९॥७१६२॥ तुमए पुण संलतं, पाणे को किर वियक्खणो चयइ ? । अवमाणमिमं काउं निग्गतुं सो गओऽन्नत्थ ॥१४०॥७१६३॥ तेण य नियपुण्णेहिं पत्तं विजाहराहिरायत्तं । ता तेण पेसियाओ तुह चित्तपरिक्खणनिमित्तं ॥१४१॥७१६४॥ विजाहरो वि पुब्बिं पटुविओ तेण चेव तुह पइणा । ता जइ एसि किसोयरि ! ता नेमो तस्स पासम्मि' ॥१४२॥७१६५॥ अह हिययंतरउट्ठियहरिसमहाविडविपवरपारोहा । सा भणइ 'सव्वमेयं सचं तुम्हेहिं जं भणियं ॥१४३॥७१६६॥ पर किंतु जा न दिठ्ठो पिओ मए ता न एयाणाओ। एकं पि चलामि पयं अकुलीणतं जओ हवइ' ॥१४४॥७१६७॥ 'जइ एवं आणेमो तुज्झ पई' इय भणित्तु ते दो वि । गेहाओ नीसरिया गया य अह तत्थ उज्जाणे ॥१४५॥७१६८॥ तत्थ य उज्जाणम्मि उवसंहरिं तमित्थियारूवं । काऊणं नियरूवं समागया दो वि ते तत्थ ॥१४६॥७१६९॥ पविसंत दटुणं नियनाहं सीलसुंदरी तत्तो । रोमंचकंचुइजंततणुलया झत्ति उठेइ ।।१४७॥७१७०॥ 'अह सागय ति, अह सागय ति, अह सागय ति, तुह नाह !' । अचंतखलियअक्खरगिराए एवं पयंपती ॥१४८॥७१७१॥
१. भवइ पा० विना ।।
