________________
सिरिसंतिनाहचरिए
जो परापत्थविस विविहाहिं भणिइभंगीहिं । वकत्तमेव पयडइ सो कह वणिजए सरलो ? ॥ १२६ ॥ ७१४९ ॥ परदारमणिच्छंतं जंपइ रुट्ठो अणिटुबयणेहिं । खर- कक्कस - फरुसेहिं, सो होउ पियवओ कह णु ? || १२७ ||६१५० ॥ जो नरयगमणमूलं परनारीसंगमं समंहिलसइ । परिमुक्कसव्वधम्मो, सो भन्नइ धम्मिओ कह णु ? ॥१२८॥ ७१५१॥ दोसाण आग च्चि वणिज्जइ सो हु सत्थयारेहिं । परदारपसत्तमई, सो कह वणिजए सगुणो ? ॥ १२९ ॥ ७१५२ ॥ जो पत्थणापसत्तो वारंवार पडेइ पाएसु । परथीणं चाडुकरो, अहिमाणी भन्नए कह सो ? ॥१३०॥७१५३॥ जो परदारं पत्थइ अणेगसत्थेसु निंदियं पावो । नाणफलवज्जियस्स उ वियड्रिढमा तस्स का होउ ? ॥१३१॥७१५४ ॥ नीसेसाओ कलाओ गलति परनारिसत्तचित्तस्स । कज्जम्मि समावडिए, कहं नु कुसलत्तणं तासु ? ॥ १३२ ।। ७१५५॥ जो पुण होइ कुलीणो सो न वि एवंविहं समायरइ । परणारिपसत्तस्स उ कुलीणया दूरमोसरिया ॥ १३३ ॥ ७१५६॥ अन्नं च सावियाओ ! तुब्भे सययं वियारनिउणाओ । ता कह जंपह एयं धम्मविरुद्धं महापावं ? ॥ १३४ ॥७१५७॥ गुरुदेवयाविदिन्न कंत मोत्तूण लग्गए अन्नो । जइ पर मज्झ तणुम्मि जलंतजालो महाजलणो ॥१३५॥७१५८॥ ता सावियाण तुम्हं जिणवयणसुभावियाण निउणाण | चिंतेउं पि ण जुत्तं, अच्छउ पुण जंपिंउं एवं ' ॥ १३६ ॥ ७१५९॥ इय तीए वयणमायण्णिऊण रोमंचकंचुइज्जतो । सो सुद्दगो पर्यपइ हरिसभरापूरिओ संतो ॥१३७॥७१६०॥
१. मभिल का० ॥
***********
सावगस्स
सुद्दगस्स अक्खाणयं
८६७
