________________
सावगस्स सुद्दगस्स अक्खाणयं
सिरिसंति- सच्चविया सा तेणं नवजलहरसहतुटुमोरि व्य । भणिया य 'पिए ! चल्लसु पुण्णा तुझं पइन्न' त्ति ॥१४९॥७१७२॥ नाहचरिए भणिओ य इमो तीए 'पिययम ! पेच्छाहि निययजणयाइं । अन्नह अकुलीणाई संभाविस्सामु मा तेहिं ॥१५०॥७१७३॥
ता तीए इमं भणिओ बच्चइ जणयस्स पायमूलम्मि । दट्टण सुयं जणओ हरिसभरनिभरो जाओ ॥१५१॥७१७४॥ * काऊण पायगहणं दोन्नि वि पणमेइ जणणि-जणयाई । पुच्छंति ताणि कुसलं, पभणइ सो 'तुह पसाएण ॥१५२॥७१७५॥
कुसलं मज्झ सया वि हु' पुच्छइ जणओ वि 'को इमो बीओ ?' ।
जपेइ सुद्दगो वि हु 'सुणसु इमं ताय ! सीसतं ॥१५३॥७१७६॥ * वेयड्ढनगवरम्म एसो विजाहराहियो राया । नामेण पवणवेगो, पुत्तो तुम्हाण मह तुल्लो' ॥१५४॥७१७७॥
पभणइ य पवणवेगो 'अहयं तुभं सुयस्स पाइक्को । अन्ने वि मए तुल्ला पाइक्का सामिणो बहवे ॥१५५॥७१७८॥ विजाहराण राया महतसामंतपणयपयकमलो । जम्हा तुम्हाण सुओ राया परमेसरो जाओ ॥१५६॥७१७९॥ ता ताय ! विसजिजउ देवो मा ऊसुगं भवेज्जा हि । विजाहरेंदचक्कं' इय भणिए भणइ तो सेट्ठी ॥१५७॥७१८०॥ 'कह पुत्त! तुम जाओ राया विजाहराहियो? कहसु णु' । तो भणइ पवणवेगो 'सुण संखेवेण ताय! तुम' ॥१५८॥७१८१॥
१. दोन्नबि जे० ।। २. जंपइ य सुद्द का० विना ।। २. इमं पा० विना ।।
