________________
सिरिसंतिनाहचरिए
सावगस्स सुद्दगस्स अक्खाणयं
एवमाइससु, जओ सम्ममपरिक्खिऊण न परिचइजइ को वि वत्थू, विसेसओ कलत्तं, जओ भणियं
"मा होह सुयग्गाही, मा पत्तिय जे न दिटुपच्चक्खं । पञ्चक्खे वि य दिढे जुत्ताजुत्तं बियारेज्जा" ॥११९॥७१४२॥ * ता समाइसंतु देवपाया ! जेण अहं तत्थ गंतूण आणेमि देविं' ति । भणिऊण लग्गो पाएसु । तओ रण्णा भणियं
'जइ तुज्झ एस आगहो ता गच्छाहि' । पवणवेगेण भणियं- देवपसाओ ! त्ति भणिऊण गओ सुलोयणभवणे । * गहिऊण य तं नियपिययम तडिवेग, साहिऊण य सव्वं सवित्थर, विउरुब्बिऊण विमाणं, समारुहिऊण य तत्थ गओ
जत्थ मेइणीतिलयं । तत्थ वि कुलभूसणसेटुिभवणं । उवरि ठिओ य निरूविउमाढत्तो । एत्तो य सुद्दगनिग्गमणाणंतरमेव विण्णत्तो ससुरो सासुया य सीलसुंदरीए, जहा- 'ताय ! न नजए कहिंचि अजउत्तो गओ, ता जाव अजउत्ताऽऽगमणं ताव करेमि अहं विसेसेण धम्मुञ्जम' । तेहिं भणियं- 'को एत्थ दोसो, जओ अम्ह दरिसणे एयं कायव्वमेव, जेण एय चेव उवइटुं भयवंतेहिं, अवि य"सुत्थेहि दत्थेहिं य आवयपडिएहिं तह अपडिएहिं । धम्मो च्चिय कायव्यो भणियमिणं जिणवरिदेहिं ॥१२०॥७१४३।। बालत्तणम्मि वुड्ढत्तणम्मि तह चेव जोव्वणभरम्मि । मज्झिमवयत्थएहिं य धम्मो चिय होइ कायव्यो" ॥१२१॥७१४४॥ सा का वि नो अवस्था विज्जइ जीवाण जीए नो धम्मो। किज्जइ तम्हा पुत्ते! न हु एत्थं को वि दोसो त्ति' ॥१२२॥७१४५॥ १. °याणेह का० ।। २. जत्व पा० विना नास्ति ।। ३. °वइप पा० विना ।।
१00
