________________
सावगस्स
सिरिसंतिनाहचरिए
सुद्दगस्स
अक्खाणयं
"हं मारिस्सइ एसो, सरामि ता झत्ति पंचनवकारं । जेणं परलोगम्मि वि भवामि नो टुक्खभाइ" त्ति ॥३१॥७०५५॥
इय चिंतंतो वच्चइ सुमरंतो तह य पंचनवकारं । सीहस्स तस्स समुहं तं दटुं चिंतए सीहो ॥३२॥७०५६॥ * "नो मह एसो ईसिं पि बीहए ता न सोहणो एसो" । इय चिंतिऊण मग मोत्तूणं पबिसइ गुहाए ॥३३॥७०५७॥
एसो वि जा गुहाए समुहं वलिओ तओ मइंदो वि । मोत्तूणं निययगुहं नीसरिउं जाइ भयभीओ ॥३४॥७०५८॥ सो वि हु गुहाए गंतुं वीसत्थो सोवए जओ एत्थ । एही सीहो जेणं भक्खइ निचंतओ संतो ॥३५॥७०५९॥ तत्तो पहायकाले जा जग्गइ ताव पेच्छए तत्थ । करिकुंभगलियमुत्ताहलाई अचंतपवराई ॥३६॥७०६०॥ वीणित्तु तओ गेण्हइ जाई सुवित्ताई तह सुतेयाइं । वत्थंचलम्मि बंधित्तु चल्लए अग्गओहुत्तं ॥३७॥७०६१॥ पहरटुगं वहिऊणं फल-जलमाईहिं भोयणं काउं । जावऽग्गओ पयट्टइ ता मग्गे नियइ तं सप्पं ॥३८॥७०६२॥ उक्कड़फंडाकडप्पं गुंजाहलसरिसनयणजुयलिल्लं । कुंडलियगरुयदेह अंजण-गवला-ऽलिसमवन्नं ॥३९॥७०६३॥ तं दटुणं खुहिओ जा बच्चइ तस्स सम्मुहं चेव । ता विसहरो विचिंतइ “एसो मह बीहए नेय ॥४०॥७०६४॥ किंतु मह फणविभूसणरयणत्थी एइ को वि नणु पुरिसो" । इय चिंतिऊण नट्ठो गंतूण बिलम्मि पविसरइ ॥४१॥७०६५॥ वरनग्गोहतलम्मि विसहरगेहस्स दारदेसम्मि । जाव निविट्ठो ता णियइ तत्थ मयसप्पवररयणं ॥४२॥७०६६॥ १. निश्चिंत जे० का० ।। २. "दुर्ग बिहि पा० ।। ३. फणाक° का० ।। ४. "जुबलि जे० का० ।।
८४६
