________________
सिरिसंतिनारि
वीसंभकहालावेहिं अच्छमाणेण तीए चित्ताणुरायविन्नासगत्थं भणियं, जहा - 'पिए ! जइ कहिंचि मम परलो गगमणं भवइ ता तुमं नियपाणे परिच्चयसि वा ण वा ?' सीलसुंदरीए भणियं - 'हा नाह ! किमेयमेवंविहं जंपिज्जइ ? जओ अविवेइजणाचरियमिणं जं पियविओए पाणपरिचयणं, विवेईहिं पुण जहागएसु भावेसु रमियव्यं,' जओ भणियं"जइ जेण व तेण व जह व तह व हे हियय ! निव्वुई कुणसि । ता दुक्कुह तुह जम्मंतरे वि दुक्खं चिय न होतं” ॥५॥७०२९॥ एस विराओ हियए जं रमइ जहागएसु भावेसु । निब्भच्छणं तु लच्छीए एस थिरमच्छरो राओ" || ६ ||७०३०॥ तान कोइ कस्सइ मरणे मरइ । सुद्दएण चिंतियं - 'न ममोवरि दढाणुराया, किंतु उबरोहेण चेव, अन्नासत्ता वा एसा, अओ एवं पर्यपइ, ता किमेयाए अणणुरत्ताए अन्नासत्ताए वा पासट्ठिएहिं ? अओ परिचइऊण एवं गच्छामि देसतरं, जओ
“जस्स न भत्तऽणुरत्ता भज्जा समसुह-दुहा गिहे अत्थि । तस्स गिहं पि हु रन्नं अभग्गवंतस्स पुरिसस्स ॥७॥७०३१॥ जस्स पुणो पासम्म समसुह- दुक्खा समाणचित्तिल्ला । अत्थि पिया गुणकलिया रण्णं पि जणाउलं तस्स" ॥८॥७०३२॥ ताजइ इमीए मरणं कवि तुलग्गेण अग्गओ होतें । तो हं परिच्चयंतो पाणे नत्थेत्थ संदेहो ॥९॥७०३३८॥ साउ पुणो एवं पड़ता नूण परनरपसत्ता । ता किं इमीए ? संपइ मोत्तुं देसतरं जामि” ||१०|| ७०३४ ॥
१. हा पा० विना नास्ति ।। २. दुक्कुहं जे० पा० ॥। ३. हुतं पा० दिना ॥ ४. नत्थित्व त्रु० ॥
90
सावगस्स
सुद्दगस्स अक्खाणयं
८४२
