________________
नाहचरिए
रणो सूरपालस्स अक्खाणयं
ता अवमाणे वि कए गुरुणा मा को वि मंगुलं धरउ । चित्तम्मि, जओ एसो होही कल्लाणहेउ' त्ति ॥१२३॥६९७५॥ महिपालेण वि भणियं 'पुत्ति ! तुम चेव तुज्झ सारिच्छा । जीए अवमाणो वि हु गुणणे विओ चित्ते' ॥१२४॥६९७६॥ एवं परोप्परं खामणाए विहियाए तेहिं सव्वेहिं । तो सूरपालराया सामंते भणइ उद्दिसिउं ॥१२५॥६९७७॥ 'भो भो ! एसो मज्झं जणओ, एए य भायरो जेट्ठा । एसा जणणी, तिन्नि वि भाउज्जायाओ एयाओ ॥१२६॥६९७८॥ ता मह गुरूण एयाण अज सव्वाण खिवह जोहारं' । इय भणिया सामंता कुणंति सव्ये वि पणिवायं ॥१२७॥६९७९॥ ५ सव्वे वि भायरो तो दाऊणं गाममंडले बहुए । सव्वेसि वि उवरि कया किरीडबद्धाण राईण ॥१२८॥६९८०॥
जणओ वि हु नियपासे गोरवहेउं विसेसओ विओ । एवं सव्वं सुत्थं काऊणं भुंजए रज्जं ॥१२९॥६९८१॥ * एवं च रजसोक्खं भुजेमाणस्स राइणो तस्स । परिगलइ जाव कालो ता पत्तो तत्थ बरसूरी ॥१३०॥६९८२॥
सुयसागरो त्ति नाम मुणिगणवंदिज्जमाणचरणजुओ । भवियजियणियरअरविंदसंडपडिबोहवरसूरो ॥१३१॥६९८३॥ तस्स य बंदणहेउं निग्गच्छइ सयलपुरवरजणोहो । तं दटुं राया वि हु पुच्छइ 'किं अज्ज नयरम्मि ॥१३२॥६९८४।। जेणेस व्हायधोओ लोओ सब्यो वि नीसरइ बाहिं ?' । तं सोऊण मंती जपइ विन्नायपरमत्थो ॥१३३॥६९८५॥ 'देव ! नयरस्स बाहिं अजं उज्जाणमज्झयारम्मि । तीया-ऽणागयणाया संपत्तो कोवि मुणिनाहो ॥१३४॥६९८६॥
८३३
१. भायरे का०।।
