________________
सिरिसंति- नाहचरिए
जिणचंदसावयस्स अक्खाणयं
पइ इमा वि 'पिययम! किंतुह एएण होही (हिइ) वएण। जइ तुह पेच्छंतस्स वि मह सीलखंडए एसो?' ॥२५॥६८१०॥ इय जंपियावसाणे देवो पाडेइ तस्स तं पुरओ । धाहावंति बहुसो भुजतिं दंसए पावो ॥२६॥६८११॥ तं दटुण वि एसो “उवसग्गमिम" ति भाविउ चित्ते । न वि मुयइ धम्मझाणं पुणो वि तियसो कुणइ रूबं ॥२७॥६८१२॥ वरवणिजारयसरिसं आगंतुं जंपए तओ एसो । 'साहु ! मह रयणाई गिण्हाहि महंतमोल्लाई ॥२८॥६८१३॥ अहयं माणिकवट्टो विक्किणणत्थं इमाण इह पत्तो । अप्पेण वि मोल्लेणं तुज्झ पयच्छामि एयाणि ॥२९॥६८१४॥ जम्हा हु मज्झ जणगस्स संतिओ आगओ लहुं पुरिसो। जंपइ य तुज्झ जणयस्स अत्थि नणु कारणंकिंचि ॥३०॥६८१५॥ ता सिग्धं चिय तुमए गंतव्वं' तेण ऊसुगो अहयं । मोल्लेण थोयएण वि तुज्झ पयच्छामि निभंतं ॥३१॥६८१६॥ ता गिण्हसु, मा मुंचसु, दाहिंति इमाणि तुज्झ महलाभं । एवभणिओ वि नो जाव जच्छए उत्तरं किंचि ॥३२॥६८१७॥ तो जोयइ नाणेणं देवो जा पेच्छए तयं सडूढं । वरधम्मज्झाणगयं कुद्धो य सुरो विसेसेण ॥३३॥६८१८॥ गय-सीह-पिसायाई पडिकूले वि हु करेइ उवसग्गे। तह वि न खुत्भइ एसो, तुटो हियए तओ तियसो ॥३४॥६८१९॥ काऊण पवररूवं चलंतमणिकुंडलं सुहारिल्लं । वंदइ पुणो पुणो वि हु गिरमेरिसयं पयंपतो ॥३५॥६८२०॥ 'तुज्झ कयत्थो जम्मो, तुज्झ सुलद्धं च माणुसत्तमिणं । जं एवंविहधम्मो न मुयसि मरणे वि जिणधम्मं ॥३६॥६८२१॥ किंच तुम बरसावय ! तियससमूहाण मज्झयारम्मि । अइहरिसनिन्भरेणं सक्केण पसंसिओ अहियं ॥३७॥६८२२॥ १. च मणुयजम्ममिणं । जो एवं दिढधम्मो का० ।।
८०७
