________________
जिणचंदसावयस्स अक्खाणयं
सिरिसंति- अप्पडि-दुप्पडि-लेहिय-सेञ्जासंथारयं विवजेइ । अपमज्जिय-दुपमज्जियसेञ्जासंथारयं तह य ॥१०॥६७८४॥ नाहचरिए एवं चिय दुगभेयं बुच्चइ उच्चार-पासवणभूमिं । जं सम्ममणणुपालण उववासे पंच इयारा ॥११॥६७८५॥
एत्थं पि हु दिद्रुतं भणामि जिणचंदसावयं सुणसु । “अत्थि पुरं पोराणं सुपइट्ट नाम सुपसिद्धं ॥१॥६७८६॥ पालइ तं वरराया अणंतविरिओ त्ति नाम सुपसिद्धो । जस्स पिया सेसवई सुपसिद्धा नारिमज्झम्मि ॥२॥६७८७॥ तत्थऽन्नोवि हु निवसइ जिणचंदो नाम सावओपवरो। दढसम्मत्ताऽणुव्वय-गुणवय-सिक्खाहिंपरिकलिओ॥३॥६७८८॥
तस्सऽत्थि वरा भज्जा सुसाविया सुंदरि त्ति नामेणं । सो तीए समं भोए भुंजतो अच्छए तत्थ ॥४॥६७८९॥ * कइया वि हु पुण तेणं पव्वदिणे पोसहो परिग्गहिओ। सो तम्मि डिओ अच्छइ धम्मज्झाणम्मि वट्टतो ॥५॥६७९०॥
एगागी सुभभावो पोसहसालाए मज्झयारम्मि । एत्थंतरम्मि दिवो सहसा सक्केण सो कह वि ॥६॥६७९१॥ तत्तो सुरसमिईणं मज्झम्मि संठिएण वज्जरियं । 'अच्छरियं अच्छरियं जं जिणचंदस्स वरचरियं ॥७॥६७९२॥ एयाओ पोसहाओ चालिज्जइ नेय सुरवरेहिं पि' । तं सोऊणं एगो देवो परिमिओ चित्ते ॥८॥६७९३॥ चिंतइ “अहह ! सुरेंदो किह रागेणं इमं समुल्लवइ । किं माणुसमेत्तो वि हु चालिज्जइ नेय देवेहिं ? ॥९॥६७९४॥ अहवा वि हु जंज चिय रुच्चइ तं तं विहिजए कजं । तं तं चिय जंपिज्जइ, पत्तणं तेण रमणीयं ॥१०॥६७९५॥ ता अजेव य गंतु चालेमि इमं इमाओ धम्माओ" । इय चिंतिऊण तियसो एइ दुयं तस्स पासम्मि ॥११॥६७९६॥ १. पंचमइयारो का० विना ।। २. सुंदर त्ति त्रु० ।। ३. मणिज्जे का० ।।
८०५
