________________
वणिणो गंगदत्तस्स अक्खाणयं
सिरिसंति- पभणइ य गंगदत्तो 'अजं देसावगासियं गहियं । ता एहामि न अहयं, तुम पुणो कुणसु जं जोग्गं' ॥७॥६७५८॥ नाहचरिए पुणरवि तेणं भणियं 'मा एवं कुणसु अजं भाइ ! तुम । जेण महतो लाभो, वयं तु कल्लं करेजासि' ॥८॥६७५९॥
सो भणइ 'मित्त ! मा जंप एरिसं एक्कजम्मिओ लाभो । वयपालणं तु भाउय ! जम्मे जम्मे सुहं देइ' ॥९॥६७६०॥ ॐ सो भणइ 'भंजिऊण वि पायच्छित्ताओ सुज्झए पावं । लाभो पुण हत्थाओ उत्तिण्णो लडभए कत्थ?' ॥१०॥६७६१॥ ॐ सो भणइ 'न मे कजं जो बयभंगेण लब्भए लाभो । जेण पसंसंति बुहा मरणं, न उणो उ वयभंग' ॥११॥६७६२॥
इयरो वि भणइ 'सुपुरिस ! अजं एक्कं करेहि मह वयणं' । चिंतइ य गंगदत्तो “धिरत्थु लच्छीए पावाए ॥१२॥६७६३॥ * जीए लुद्धा जीवा वयभंग पि हु न चेव गणयंति । बहुसो वि भन्नमाणो जह एसो चेव वणियसुओ" ॥१३॥६७६४॥ ॐ इय चिंतिऊण भणिओ सो वणिओ तेण गंगदत्तेण । जह 'भाइ! पाणनासे वि नो वयं कहवि खंडेमि ॥१४॥६७६५॥ ।
कजं न मज्झ अत्थेण, नेय अन्नेण तह य केणाऽवि । एक्कं चिय मह कजं जं किजइ निक्कलो धम्मो' ॥१५॥६७६६॥ * इय जाणिऊण एसो विणिच्छयं तस्स गंगदत्तस्स । निग्गच्छइ वणियसुओ उद्वित्ता तस्स गेहाओ ॥१६॥६७६७॥
एसो वि वए पुण्णे बीयम्मि दिणे गओ तहिं सत्थे । दिटुं च तत्थ भंडं दिव्ववसा अक्खयं चेव ॥१७॥६७६८॥ विहिया य तओ सट्टी गहिऊण कयाणगं असेस पि । पत्तो निययगिहम्मि जाओ य तहिं महालाभो ॥१८॥६७६९॥
८०२
१. भाय का० ।। २. सुज्नई त्रु० ।। ३. निम्मलो पा० ।।
