________________
सीहसावयस्स अक्खाणयं
सिरिसंति- सीहो वि पइदिणं चिय गेण्हइ सामाइयं सुनिच्छयओ । पडिकमणं कुणइ तहा दोसु वि संझासु उवउत्तो ॥७॥६७३४॥ नाहचरिए अह केत्तिए वि काले गेण्हित्तु कयाणगाई बहुयाई । वच्चइ उत्तरदेस सामग्गिजुएण सत्येण ॥८॥६७३५॥
तत्तो य अडविमज्झे सत्थो आवासिओ नईतीरे । सीहेण वि परिगहियं सामइयं तत्थ आणम्मि ॥९॥६७३६॥
एत्थंतरम्मि सहसा समागओ बहलमसगसंघाओ । तेणं खनंतो सो सत्थो वि हंडप्फडो जाओ ॥१०॥६७३७॥ . * तत्तो धूमाईयं सत्थो जुत्तं करेइ मसगाणं । सीहो वि महासत्तो अच्छइ तह चेव खजंतो ॥११॥६७३८॥
मेरु व्य निप्पकंपो सो सम्म सहइ उग्गमुवसगं । धम्मज्झाणम्मि डिओ झाएइ सुणिचलमईओ ॥१२॥६७३९॥ अह तेहिं मसएहिं जाव इमो पाडिओ महाकडे । ता दक्खिणवाएणं आगंतुं पेल्लिया मसगा ॥१३॥६७४०॥ मुक्को उवसग्गाओ सामइयं पारए तओ सीहो । खणमेत्तेण य देह सूर्ण सव्वं पि एयस्स ॥१४॥६७४१॥ कइहिं वि दिणेहिं जायं सत्थावत्थं पुणो वि हु सरीरं । तत्तो य जाइ पुरओ जाव वसंतप्पुरे पत्तो ॥१५॥६७४२॥ विक्केऊणं भंडं आसाइय तत्थ बहुगुणं लाभं । वलिओ य निययदेसस्स सम्मुहं जाव पुण पत्तो ॥१६॥६७४३॥ निययम्मि नयरम्मि तत्थ पविट्ठो उ महविभूईए । नियए पासायवरे भुंजइ तत्थुत्तमं सोक्खं ॥१७॥६७४४॥ एवं सो विसयसुहं भुजित्ता पच्छिमम्मि कालम्मि । संलेहणं विहेउं अणसणविहिणा दिवं पत्तो ॥१८॥६७४५॥
10१
१. सुनिच्छइओ पा० ।। २. हडफडो का०॥
