________________
सिरिसंतिनाहचरिए
मंगलकलसकहाणयं
आइमे मंडले राया नाणावत्थे पयच्छइ । बीए आभरण देइ थालाईयं च सोहणं ॥१६२॥२७१॥ ॐ सुवण्ण-मणिमाईयं राया देइ तइज्जए । चउत्थम्मि रहाईयं देइ सव्यं मणोरमं ॥१६३॥२७२॥
एवं दाणम्मि दिन्नम्मि राया मेल्लावए कर । ण य सो मेल्लए जाव णिवेणं ताव भाणिओ ॥१६४॥२७३॥ 'वरेहि किं पि जं तुज्झ अन्न पि हु मणोगयं' । कुमरो पयंपई 'देव ! जइ एवं तो पयच्छ मे ॥१६५॥२७४॥ पंच वल्लहया पंच तुरंगा मणगामिणो' । रण्णा पयंपियं 'वच्छ! मुक्को मुहियाए ते अहं' ॥१६६॥२७५॥ एवं वित्तम्मि वीवाहे महासामग्गिसंजुओ। जा जाइ मंतिगेहम्मि ताव लोगो पर्यपइ ॥१६७॥२७६॥ "पुण्णवंतीण मज्झम्मि रेहा एयाए दिज्जइ । पाविओ जीए भत्तारो पच्चक्खो मयणो इव" ॥१६८॥२७७॥ एमाइ जणउल्लावे सुणतो मंतिमंदिरे । जाइ तूरणिणाएणं देंतो दाणं मणिच्छियं ॥१६९॥२७८॥ पविट्ठो मंगलेहिं सो गेहमज्झम्मि सुंदरे । कमेण वासगेहम्मि दासी-दाससमाउले ॥१७०॥२७९॥ महापल्लंकसंजुत्ते तीए सद्धिं पवेसिओ । जंपई परियणो ताव 'णिक्कालिज्जउ संपयं ॥१७१॥२८०॥ तओ एयं निसामेत्ता जाओ चिंतापरो इमो । चिंतेइ "देहचिंताए मिसेणं जामि वंचिउं" ॥१७२॥२८१॥ 'देहचिंतं वइस्सामि' जावे तेण जंपियं । ता सुवण्णालुयं घेत्तुं चल्लिया रायकण्णया ॥१७३॥२८२॥ १. बत्तम्मि जे० विना ।। २. दितो का० ।। ३. तावरो का० विना ।।
३४
