________________
मंगलकलसकहाणयं
सिरिसंति- चिंतेइ सो वि “एमेव एएणं भवियव्वयं । अन्नहा कत्थ उज्जेणी ? कत्थ वा इह आगमो ? ॥१५०॥२५९॥ नाहचरिए कत्थ वा वाई निजंति माणुस्साणि ? महन्भुयं । किंच आयासवायाए आसि एवं पयंपियं ॥१५१॥२६०॥
तम्हा करेमि एमेव" चित्ते भावेत्तु जंपई । 'जइ एवं ताय ! कायव्वं तो जं राया पयच्छई ॥१५२॥२६१॥ * मंडलेसु तयं मज्झ दायव्वं णिब्बियप्पयं । उज्जेणीए य मग्गम्मि तं सव्वं वियव्ययं ॥१५३॥२६२॥
एवं' ति होउ मंती वि मन्नए हटुचित्तओ । पच्चासन्नम्मि लग्गम्मि सव्वा सामग्गिया कया ॥१५४॥२६३॥ हत्थिखंधसमारूढो सव्वालंकारभूसिओ । गंधब्बतूरसद्देण फोडयंतो व्व अंबर ॥१५५॥२६४॥ ॐ संपत्तो रायगेहस्स दुवारम्मि मणोरमे । कएहिं कोउएहिं तु माइगेहम्मि पविसइ ॥१५६॥२६५॥
त दटुं रायधूया वि रूवाईगुणपगरिसं । हटुतुहा विचिंतेइ “अहो ! हं पुन्नवंतिया ॥१५७॥२६६॥ जीए मे एस भत्तारो सव्वलक्खणसंजुओ । संपत्तो पुण्णजोएण देवीण पि वि दुल्लहो" ॥१५८॥२६७॥ जावेवं चिंतए एसा ताव लग्गं समागयं । 'पुण्णाह' सद्दघोसम्मि घुढे देवण्णुणा सयं ॥१५९॥२६८॥ मंगलस्सणपुव्वम्मि गंदीतूरे पवज्जिए । विसिटुसउणसंपाए जालियम्मि हुयासणे ॥१६०॥२६९॥ हत्थे संगहिया तेण कन्ना तेलोक्सुंदरी । तत्तो पयक्खिणं देइ जलंतम्मि हुयासणे ॥१६१॥२७०॥ १. भणिय' जे० ।। २. कत्था वा बाई नि जे० । कत्थ वारण नि त्रुरी० ।।
३
mm
