________________
सिरिसंति- नाहचरिए
मंगलकलसकहाणयं
अन्नदियहम्मि सो पुट्ठो 'किमेयं ताय ! पट्टणं ? । किं वा विदेसगस्साऽवि मज्झमचंतगोरवो?' ॥१३८॥२४७॥ मंतिणा जंपियं 'वच्छ ! चंपाणामेणिमा पुरी । गोरवं तु सकजेणं करेमि अहयं तुह' ॥१३९॥२४८॥ लवई तो इमो 'ताय ! किं कजं? ता कहेहि मे । मंतिणा भणियं 'वच्छ ! चिटु, ता कइ वि वासरे ॥१४०॥२४९॥ पच्छा कजं कहिस्सामि तुझं नत्थेत्थ संसओ' । 'एवं होउ' त्ति तो तेण वयणं तस्स मन्नियं ॥१४१॥२५०॥ पुणो गएहि केहि पि दिणेहिं तेण पुच्छियं । मंती ये आह 'जइ एवं, एगचित्तो सुंणेहि ता' ॥१४२॥२५१॥ कहिऊण पुव्ववुत्तंत मंती जंपइ सायरं । 'रायकन्नं विवाहेउं मम पुत्तस्स देहि ता' ॥१४३॥२५२॥ भणई मंगलॅक्कलसो 'किमयं ताय ! जुज्जइ । इहलोय-परत्तेसु विरुद्धं तुह जंपियं ?' ॥१४४॥२५३॥ मंती वि आह 'जइ एवं नो करिस्ससि तो तुहं । ण होही सुंदर भद्द ! ता मन्न मह भासिय' ॥१४५॥२५४॥ मंगलकुंभेण संलत्तं 'न एवं मज्झ रोयइ' । तओ रुटो महामंती खग्गं कडूढेइ भीसणं ॥१४६॥२५५॥ 'सराहि देवयं इटुं जेणं छिंदामि ते सिर' । 'सरणं मे जिणा होंतु' अभीओ सो वि जंपइ ॥१४७॥२५६॥ पाएसु य पडेऊणं तत्तो अभिंतरा नरा । जपति 'सामि ! मा एवं करेहि अइदारुणं' ॥१४८॥२५७॥ जंपिओ दारओ तेहिं 'वच्छ ! मा एरिसं कुण । मन्नेहि य इमं एक्कं मा विणासेहि अप्पयं' ॥१४९॥२५८॥ १. कहेह का० ।। २. वि बु० ॥ ३. सुणेह पा० ।। ४. 'लकलसो पा० का० ।। ५. जंपिउं जे०७० ।। ६. बच्छ ! एयारिस कुण जे० ।।
३
