________________
बेलाउलगम कहविपत्त चाक्खं । ज
सुलससावगस्स अक्खाणयं
सिरिसंति- "जइ पावियं निहाणं ता किं तं थोवमेत्तय जाय ? । जइ विहियं वाणिज्जं किमप्पलाभ हुयं तं पि? ॥२२२॥६४३१॥ नाहचरिए जइ वेलाउलगमणं ता किं न हु तत्थ अग्घियं भंडं ? । जइ चडिओ मि समुद्दे ता किं वहणं तहिं फुट्ट ? ॥२२३॥६४३२॥
जइ पावियाई रयणाई कहवि पत्तं च तेहिं बहु मोल्लं । ता किं अडवीमज्झे पडिया भिल्लाण धाडि ? त्ति ॥२२४॥६४३३॥ तत्थ वि परकूलम्मि सहियं अइदारुणं महादुक्खं । जइ कहवि तओ छुट्टो अचिंतणीयप्पओगेण ॥२२५॥६४३४॥ जइ रोहणम्मि पत्तो तत्थ वि लद्धाइं पवरवजाई । ता किं अडवीमज्झे दडूढं सव्वं पि दावेण ? ॥२२६॥६४३५॥ जइ पत्तो कह वि रसो ता किं वसणम्मि दारुणे पडिओ? । जइ निक्खंतो तत्तोता किं करिणो उवस्सग्गो? ॥२२७॥६४३६॥ जइ आढत्तो धाऊ ता किं मह सो वि निष्फलो जाओ? । जइ लद्धं वररयणं ता किं मह तं पि अवहरिय? ॥२२८॥६४३७॥ हा देव ! मज्झ विसए अइनिग्घिण! निहिरो तुम जाओ। जज करेमि किंचिवि तं तं विहलेसि मह सव्वं ॥२२९॥६४३८॥ ता किं करेमि संपइ परम्मुहे विसमदेव्वपरिणामे । एवंविहम्मि य कहं पुजंति मणोरहा मज्झ ? ॥२३०॥६४३९॥ ता किं एत्तो वि परं कायव्वं ? हुं वियाणिय अह च । गंतु महामसाणे साहेमि महाबलं भूयं ॥२३१॥६४४०॥ सिद्धं च तयं संतं पुच्छामी 'किं खयं गयं कम्मं । मह अंतराइयं तं, अहवा नो' जइ इमो भणिही ॥२३२॥६४४१॥ * 'खीणं' तो मग्गिस्सं अत्थं तं चेव अहव 'नो' भणिही। तो सव्वसंगचाय काऊण वयं गहिस्सामि" ॥२३३॥६४४२॥
इय णिच्छयं विहे कसिणाए चउद्दसीए पत्ताए । वच्चइ महामसाणे संपत्ते अड्ढरत्तम्मि ॥२३४॥६४४३॥ *१. वाओ पा० ।। २. बिफलेसि जे० ।। ३. अहया । गंतु जे० ।। ४. पुच्छामि जे० ।।
७६७
