________________
सिरिसंतिनाहचरिए
सुलससावगस्स अक्खाणयं
तो तेण इमो भणिओ 'कल्लदिणे एत्थ पाणियं पाउं । गोहा किल निक्खंता केणवि मग्गेण नियएण ॥१०७॥६३१६॥ ता जइ पुच्छे तीए विलग्गसे कह वि अइघणो होउं । ता जइ पर निग्गमण, अन्नह पुण एत्थ अवसाणं' ॥१०८॥६३१७॥ सुलसेण तओ पुणरवि पयंपियं 'जइ इमं तओ कीस । तं मित्त! न निक्खंतो?' सो भणइ 'रसेण एएण ॥१०९॥६३१८॥ महतलभागो खड्डो उवरिमभागस्स संपर्य ढुक्को । ता गहियाऽणसणो हं संपइ सुमरामि परमेट्ठी ॥११०॥६३१९॥ ता मज्झ जइ कहिँचिवि तुमए पासहिएण गच्छंति । पाणा ता मज्झ तुम विहेहि आराहणं परमं ॥१११॥६३२०॥ ५ अब्भत्थिओ सि सुपुरिस ! निग्गच्छंतम्मि मज्झ जीवम्मि । एसो भवसयदुलहो दायव्वो पंचणवकारो' ॥११२॥६३२१॥ इय जा सो अन्भत्थइ खणमेत्तं ताव तस्स जीहाए । खलणं किंची जायं तं नाउं जंपए सुलसो ॥११३॥६३२२॥ 'भो भो महायस ! तुहं जीहाखलणेण संपयं मन्ने । पच्चासन्नं मरणं, ता संपइ होसु उवउत्तो' ॥११४॥६३२३॥ "जे न वि रुहंति इहइं रागाईबीयदड्ढभावाओ । संसारजलहिपोए, ते अरुहंते सरसु इण्हि ।।११५॥६३२४॥ जे वंदणाइ अरहंति जे य महपाडिहेरपूयाओ । भवअडविसत्थवाहे, ते अरहते सरसु इण्हि ॥११६॥६३२५॥ जेहिं हया मोहाई महारिणो भवनिबंधणा घोरा । वीरियवरदंडेणं, ते अरिहंते सरसु इण्हि ॥११७॥६३२६॥ जेसिं न विज्जइ रहो अंतो मज्झं व गिरि-गुहाईणं । वरकेवलनाणेणं, ते अरहते सरसु इण्हि ॥११८॥६३२७॥
७५५
१. इमं पा० ।। २. °भागो खरो जे० । भागे खद्धो का० ॥ ३. उक्को जे० ।। ४. परमेडिं पा० ।।
