________________
सिरिसंतिनाहचरिए
सुलसो वि भणइ 'नणु मंचियाए हेदुम्मि ताइं बद्धाई । ता उत्तारेहि ममं, जेण सुहं ताई छोडेमि ॥ ९५ ॥ ६३०४ ॥ इयरो वि आह 'नणु कूवयस्स कंठम्मि होहिहि पमाओ' । इय जाव न उत्तारइ ता मुणियं तेण से चित्तं ॥९६॥६३०५ ॥ "तं होही नणु एवं जं मह साहम्मिएण परिकहियं । ता मारेही नियमा ममं इमो पावपरिणामो ॥९७॥६३०६ ॥ तामा इमस्स वि इमो होउ रसो" चिंतिऊण सुलसेण । खित्ताई तुंबाई कूवयमज्झम्मि वेगेण ॥९८॥६३०७॥ तं दट्टु इयरेण वि मुक्को सो झत्ति कूवमज्झम्मि । पडिओ दड त्ति कूवयखंडाए देव्यजोगेणं ॥९९॥६३०८॥
घसंतो पडिओ तं दुक्खविओ न तारिसं किंपि । भणइ य महसद्देणं 'नमो जिणाणं' ति भावेण ॥१००॥६३०९ ॥ " हा जीव पावकम्मय ! जइ तइय च्चिय तए वयं गहियं । हुतं आसि तओ तं ण य पावेतो इमं वसणं ॥ १०१ ॥६३१० ॥ हा जीव ! जइ गुरूणं हियाण सिक्खा तए कया होता। तो न हु इय दुक्खाणं भायणमणहं तुमं हुतो' ॥१०२॥६३११॥ हा जीव ! जड़ णिवित्ती परिग्गहाओ तए कया होता । ता न हु एत्थ पडतो नरयागारम्मि कूवम्मि ॥ १०३ ॥ ६३१२।। ता इहि पिन नहुं गहिऊणं सव्वविरइसामन्नं । गेण्हसु अणसणमणहं जेणऽज्र वि तरसि संसारं " ॥ १०४॥६३१३ ॥ १० इय बोत्तूणं जा लेइ अणसणं सव्वविरइसंजुत्तं । ता हेट्ठिल्लयपुरिसेण वारिओ 'मा इमं कुणसु' ॥१०५॥६३१४॥ भणियं सुलसेण तओ ‘किं बंधव ! अस्थि को वि हु उवाओ। एत्तो निग्गमणम्मि जेणं मं वारसे तं सि ?' ॥१०६॥६३१५॥
१. खडहाए जे० का ० ।। २. दिव्वजो का० । देवजो पा० ॥। ३. होतो पा० ॥। ४. जेणेवं वा जे० का० ॥
सुलससावगस्स अक्खाणय
७५४
