________________
सिरिसंतिनाहचरिए
माहु इमेणं छित्तो विणासमह निच्छएण पाविहसि । ता तुह सुपुरिस ! साहम्मियस्स जिण - साहुभत्तस्स ॥ ८३ ॥ ६२९२॥ साहेजयं विहेमिं, अप्पसु मम तुंबयाई जेण अहं । अप्पेमि तुह भरेउं रसस्स एयस्स दिव्यस्स' ॥८४॥ ६२९३॥ तं सोऊणं सुलसो पभणइ 'वंदामि, को तुमं एत्थ ? । जिणपयपंकयमहुयर ! साहसु मह कोउयं गरुयं ॥ ८५ ॥ ६२९४॥ सो भइ 'सुणसु सुंदर । जंबुद्दीवम्मि भूवि सम्मि । नयरम्मि अहं वणिओ वसामि जिणसेहरो नाम ॥८६॥६२९५॥ अह अन्नया कयाई गओ समुद्दम्मि अत्थलोभेण । तत्थ य भग्गं वहणं, उत्तिष्णो कह वि जलहीओ ॥ ८७ ॥ ६२९६ ॥ मिलिओ य अहं परिवायगस्स तेणाऽवि एत्थ पक्खित्तो । रसलोभेण पविट्ठो, सो वि गओ तं रसं घेत्तुं ॥८८॥६२९७॥ ताकहसु तुमं पि कहं, एत्थ पविट्ठो सि ?' भणइ सुलसो वि । 'परिवायगेण अहमवि पवेसिओ एत्थ कूवम्मि' ॥८९॥६२९८॥ तं सोउं इयरो विहु जंपइ 'न हु सुंदरं कथं तुमए । जम्हा हु इमे टुट्ठा होंति परिव्यायगा पावा ॥९०॥६२९९॥ ता अप्पसु तुंबाई, जेणं भरिऊण तुज्झ अप्पेमि । पर किंतु इमस्स तुमं खणमवि मा वीससेज्जासु' ॥९१॥६३००॥ तो तस्स अप्पियाई, भरियाई तेण गिहिउं सुलसो । बंधित्तु मंचियाए चालइ रज्जुं पुणो सुलसो ॥९२॥६३०१॥ रज्जूसन्नं मुणिउं बई वि कडूढेइ मंचियं हिट्टो । जाव तडे संपत्तो जंपइ परिवायगो ताव ॥९३॥६३०२ ॥ 'किं गहिओ भद्द ! रसो तुमए ?' सुलसो वि भणइ 'आमं'ति । परिवायगो वि जंपइ 'अप्पसु ता तुंबए पढमं ' ॥ ९४ ॥ ६३०३ ॥
सुलससावगस्स अक्खाणयं
७५३
