________________
सिरिसंतिनाहचरिए
ता देव ! तए समयं संगो अम्हारिसीण सुमिणे वि। संभवइ जो न कइय वि सो अज उवडिओ मज्झ ॥९६॥५९९७॥ ता आवेज्जह रयणीए चरिमजामम्मि मज्झ गेहम्मि । जेणं मह तुम्हाण य जायइ मणवंछियं कजं ॥९७॥५९९८ ॥ अजं चिय हं जाया, अजं चिय पुण्णपायवो फलिओ । अजं चिय सकयत्था, जं तुम्हे कुणह अत्थित्तं ' ॥९९॥५९९९॥ इय एवमाइएहिं वयणेहिं रंजिऊण नरनाहं । वासभवणाओ सिग्धं विणिग्गया तह गिहाओ वि ||१००||६०००| गंतुं नियधवलहरे चिंतइ " कह संगयं इमं होही । कज्जं अइविसमतरं ? हुं नायं अत्थि हु उवाओ ||१०१।६००१॥ एसा मह मंजूसा वक्खारयचउविभूसिया रम्मा । चउतालयसंजुत्ता तीए पवेसित्तु सव्वे वि ॥ १०२ ॥ ६००२ ॥ दाऊण तालयाई संझेरिता तहा सिंहं सव्वं । काऊण सेट्टिवत्तं नियसीलं ताव रक्खेमि ||१०३ ||६००३॥ पच्छा जं पुण उचियं होही तं चैव एत्थ काहामि" । इय भाविय हिययम्मि सव्वं संझेरए गेहं ॥ १०४ ॥ ६००४॥ पक्खिविय अन्नगेहेसु धरइ सव्वं पि सुन्नयं भवणं । एवं जाव वियालो पत्तो ता बंभणो एइ ॥ १०५ ॥ ६००५॥ फारीकयसिंगारो तंबोल - विलेवणाइसुसमिद्धो । ता उडिया इमा वि हु झडत्ति अह सागयं काउं ॥ १०६ ॥ ६००६॥ दिन्नं च आसणं से पारद्वा पवरण्हाणसामग्गी । हवियविलित्तम्मि तओ भुंजावइ भोयणं सुरसं ॥१०७॥ ६००७॥ पल्लं कम्म निवेस जाव य ता झत्ति खोट्टियं दारं । तं सोऊणं एसा सहस त्ति समाउलीहूया ॥१०८॥ ६००८ ||
१. तुम्भे पा० का० ॥
सीलवईअ सीलस्स
रक्खणं
७१२
