________________
सिरिसंतिनाहचरिए
सीलवई सीलस्स रक्खणं
भणिया य तेण सा वि हु 'उवविससु इमम्मि आसणे सुयणु!। तुह कंतेण य पहिओ लेहो संदेसयसमग्गो ॥४९॥५९५०॥ तह पायजालयं पि हु परदेससमुभवं अइविसिटुं । एइ दुयं एसो वि हु, संवहिउँ निव्वुया होहि' ॥५०॥५९५१॥ एव भणिऊण एसो एगतं भाविऊण सीलमई । सव्वंगेसु निरिक्खइ ता दटुं तीए वररूवं ॥५१॥५९५२॥ सो विप्पसुओ सहसा विद्धो मयरद्धयस्स बाणेहिं । सव्वंगेसु वि तत्तो खणेण आयल्लयं पत्तो ॥५२॥५९५३॥ चिंतइ य "हंत ! रूवं एईए तियससुंदरीणं पि । मन्ने अब्भहियतरं विणिम्मियं नणु पयावइणा ॥५३॥५९५४॥ एक्को चिय एत्थ जए सो पुरिसो जियउ जीवलोगम्मि । जो एईए समाणं भुंजइ मणवंछिए भोए" ॥५४॥५९५५॥ इय चिंतिऊण तेणं भणिया सा परिहरित्तु नियलज्जं । 'सुंदरि ! तं सव्वं पि हु, अल्लिस्सं तुज्झ कल्लम्मि ॥५५॥५९५६॥ संपइ पुण मह कजं करेहि ता सव्वहा पसीऊण । तो सा संकियहियया सीलवई भणइ 'किं कजं?' ॥५६॥५९५७॥ जंपइ इमो वि 'मिगसावलोयणे ! पासिऊण तुह रूवं । मयरद्धयवाणहओ पत्तो वेयल्लयं अहयं ॥५७॥५९५८॥ वेएमि जलणजालावलीहिं डझंतयं नियं देहं । ता संगमसलिलामयरसेण निव्ववसु अइसिग्धं ॥५८॥५९५९॥ किंच इमो एगतो संजाओ मज्झ पुण्णजोएण । ता संपयं चिय तुम करेहि मणवंछियं मज्झ' ॥५९॥५९६०॥ तं सोउं सीलवई सहसा वजाहय व्व चिंतेइ । “हा कह नित्थरियव्यो वग्घ-महादोत्तडीनाओ ॥६०॥५९६१॥
७०८
१. पिय का०॥
