________________
सिरिसंति- नाहचरिए
करालपिंगस्स पुरोहियस्स अक्खाणयं
एतो पुरोहिएण विजासामथओ नरेंदस्स । सीसम्मि कया वियणा दुव्विसहा पाययनराणं ॥१८॥५८६९॥ तो रण्णा सद्दित्ता पुरोहिओ जंपिओ जहा 'भद्द ! । सीसम्मि मज्झ वियणा उप्पन्ना दारुणा अज्ज' ॥१९॥५८७०॥ तं सोऊणं जंपइ करालपिंगो इमेहिं वयणेहिं । ‘मा कुण पहु ! उव्वेयं, केत्तियमेत्ता इमा वियणा ॥२०॥५८७१॥ पेच्छसु खणमेत्तेणं करेमि तं विगयवेयणं देव !' । आलप्पालं काउं झडत्ति उवसामिया वियणा ॥२१॥५८७२॥ तो तुट्टो नरनाहो पभणइ 'अन्न पि भणसु ता किंपि' । तेणाऽवि जंपियमिमं 'देव ! इमं कुणसु मह वयणं ॥२२॥५८७३॥ ५ किंजपीदीवम्मि सुसरा किंजंपिसउणगा अधि । दीसंता दिढिसुहा, कुणंति चित्तस्स परितोस ॥२३॥५८७४॥ ता ताण आणणट्ठा एयं पेसेह पूसदेव' ति । राएण वि पडिवज्जिय आणत्तो पूसदेवो सो ॥२४॥५८७५॥ जह 'भद्द ! तुम बच्चसु दीवे किंजंपिनामधेयम्मि । किंजंपिसउणगाणं आणयणत्थं सुरूवाणं' ॥२५॥५८७६॥ सो वि हु "पुरोहियकयं एयं सव्वं पि" इय विभावेउं । 'आएसो' त्ति भणित्ता वच्चइ निययम्मि गेहम्मि ॥२६॥५८७७॥ गेहस्स य मज्झम्मि खणावए पञ्चईयपुरिसेहिं । भूमीहरयं तस्स य उवरि पुणो जंतपल्लंकं ॥२७॥५८७८॥ भणिया पच्चइयनरा 'पुरोहिओ जइ कहिंचि इह एइ । बंधित्ता पच्छन्नं, तो आणेजाह मह पासे' ॥२८॥५८७९॥ इय आएसं दाउं पुरिसाण वि णिग्गओ तओ एसो । देसंतरजत्ताए नाऊण विणिग्गयं तं तु ॥२९॥५८८०॥ पविसइ करालपिंगो परितुद्यो पुसदेवगेहम्मि । उववेसिओ य तम्मि पल्लंके जंतनिम्मविए ॥३०॥५८८१॥
७०१
