________________
सिरिसंतिनाहचरिए
तं दद्दूणं सहसा राया सिंहासणाओ उट्ठेउं । 'हा ! हा ! अहो ! अकजं ण एस कारि' त्ति जंपतो ॥२५॥५८२०॥ पुच्छइ पुरिसे 'रे ! रे ! कह तुब्भेहिं इमस्स पासाओ । लद्धं कुंडलरयणं ?' जहट्टियं ते वि सार्हेति ॥ २६ ॥ ५८२१ ।। तत्तो संभमवसरसगुरुपसरखलंतगइपयारिल्लो । गंतुं तस्स समीवे खामइ परिसुद्धमणपसरो ||२७||५८२२॥ 'खमसु महायस ! जं तुह अयाणमाणेण किंपि इह रइयं । अवियारियकारित्तेण मंगुलं अइविसुद्धस्स' ||२८||५८२३ ॥ इय जपतो आणाविऊण वरवारिपूरिए कलसे । कलहोयविणिम्मविए ण्हाबावइ मंगलरवेण ॥ २९ ॥ ५८२४ ॥ कासाइलूहियंग हरिचंदणरसविलेवियं काउं । परिहावइ सियर्वत्थे, कप्पतरुं पिव अलंकरई ॥३०॥५८२५॥ आरोवइ गयखंधे नच्चिरवरपायमूलनिवहेण । वज्जिरबहुतूरेण पराणए तं गिहे सेट्ठि ॥३१ ॥ ५८२६ ॥ जाव य गिहे पविडो जिणदत्तो ताव नरवरेणाऽवि । आइटुं तोसेणं वद्धावणयं महारम्भं ||३२||५८२७ ॥ बत्ते बद्धावणए बच्चइ नियमंदिरम्मि नरनाहो । जिणदत्तो वि हु चिंतइ "धिद्धी संसारवासस्स ॥ ३३ ॥ ५८२८ ॥ जत्थ वसंता जीवा लहंति आलाई सुद्धसीला वि । आमरणंताई दढं, जह अहयं चेव अजेव ||३४|| ५८२९॥ जइ मह सासणदेवी सण्णेज्झ अज्ज नेय कुव्वंती । तो सव्वविरइरहिओ रण्णा हं मारिओ हुती ||३५||५८३०॥ हा जीव ! भोगलंपड ! बयगहणे आयरं अकुणमाणो । अन्नायसरूवेणं नरवइणा विससिओ आसि ॥ ३६॥५८३१॥
१. संसुद्धम जे० ॥ २. वत्थं क' जे० । वत्यो क का० ॥ ३. धीधी जे० का० ।। ४. होतो पा० ॥
जिणदास
सावगस्स
अक्खाणयं
६९७
