________________
सिरिसंतिनाहचरिए
"अत्थि पुरं सुपसिद्धं समत्थवरनयरगुणगणपहाणं । नामेण वसंतउरं, राया तत्थऽत्थि जियसत्तू ॥१॥५७९६ ॥ तस्स य देवी सयलोवरोहमज्झम्मि अग्गवरमहिसी । नामेण पियंगुलया, तस्स णरेंदस्स मणइट्ठा ||२||५७९७ ॥ अन्न वित्थ निवसई जिणदत्तो नाम सावओ पवरो । देव-गुरु-संघपूयापरायणोऽणुव्वयसमग्गो || ३ || ५७९८ || अह अन्नया कयाई राया नियसेन्नपरिवुडो संतो । आसाण वाहणत्थं विणिग्गओ नयरबाहिम्मि ||४||५७९९॥ तत्थ य कंबोयाई तुरंगमे वाहियालिाणम्मि । परिवाहिऊण तत्तो आरूढो पवरतुरयम्मि ||५|| ५८००॥ तंपि हु परिवाहंतो वेणं जाइ दूरदेसम्मि । तत्थ य कहिंचि पडियं कण्णाओ कुंडलं सहसा ॥६॥५८०१ ॥ वररयणजडियपचंतरेहिरं कणगनिम्मियं पवरं । न य नायं राएणं, कहिंचि वरतुरयवेगवसा ||७||५८०२ ॥ हं गएणय तओ पडियं नाऊण अह समाइट्टा । णियपुरिसा राएणं जहा 'गवेसेह सव्वत्थ ||८||५८०३ ॥ मम कण्णाओ पडियं कत्थ वि वरकुंडलं सुतेइल्लं' । 'आएसो ' त्ति भणित्ता ते वि पवत्ता गवेसेउं ॥ ९ ॥५८०४|| एत्तो सो जिणदत्तो सरीरचिंताए णिग्गओ बाहिं । तेणंतेणं गच्छइ जत्थऽच्छइ कुंडलं पडियं ||१०|| ५८०५ ।। तयं एसो दसदिसिपसरंतकिरणजालेहिं । आबद्धसक्कचावं तत्तो ओसरइ वेगेण ॥ ११ ॥५८०६ ॥ औसरमाणं दद्धुं सहसा दूरट्टिया विचिंतंति । पुरिसा रायनिउत्ता “हंत ! किमेसो बलइ सेट्ठी ? ॥१२॥५८०७॥
१. नरिंद° जे० का० ।। २. बार्हेतो पा० ॥
जिणदास
सावगस्स
अक्खाणयं
६९५
