________________
सिरिसंतिनाहचरिए
सच्चस्स अक्खाणय
तत्तो भणिओ निजामएण 'मेल्लेहि सव्वघरवत्तं' । न य भावणो वि मेल्लइ, तो जाओ ताण ववहारो ॥४८॥५७७७॥ णिवसच्चसेहरस्स उ पासे, तो राइणा इमं भणियं । 'किं अत्थि कोइ सक्खी?' उद्दिटो तेण सो 'सच्चो' ॥८९॥५७७८॥ तो रण्णा सद्देउं भणिओ सच्चो 'किमेत्थ भो ! सच्चं?' । सच्चेण वि पडिभणियं 'सच्चं जे एस जपेई' ॥९०॥५७७९॥ तो रण्णा तुटेणं सच्चो संपूइओ महिड्डीए । इयरेण वि घरवत्ता मुक्का सच्चस्स सच्चेण ॥९१॥५७८०॥ राया वि हु घरवत्तं दाउं सच्चस्स भावणं भणइ । 'छिंदह इमस्स जिभं मह पुरओ अलियवाइस्स' ॥९२॥५७८१॥ तो सच्चेणं राया पाएसु विलग्गिऊण तोसविओ । मेल्लाविओ य भाया विन्नविउं रायपासाओ" ॥९३॥५७८२॥ अलियनियत्ताण जओ होति गुणा जह व सच्चसढस्स । तम्हा हु उवादेयं सच्चं चिय बुद्धिमंतेहिं ॥९४॥५७८३॥ ता चक्काउह ! एयं थूलमुसावायविरइवयमणहं । कायव्य होइ सया विवेयजुत्तेहिं पुरिसेहिं ॥९५॥५७८४॥ थूलमदत्तादाणं तइयमणुव्वयमिह समुद्दिटु । खत्तखणणाइरूवं वजेयव्यं सुसड्ढेहिं ॥९६॥५७८५॥ एत्थ य पंचऽइयारा विन्नेया होति बुद्धिमंतेहिं । विन्नाएहिं जेहिं सम्म पालिज्जए एयं ॥९७॥५७८६॥ तेणाऽऽहडं, च तक्करजोग, तत्तो विरुद्धरजं च । कूडतुल-कूडमाण, तप्पडिरूवं च ववहारं ॥९८॥५७८७॥ एत्थ य तुम्हाण अहं कहेमि अक्खाणयं तयं सुणह । जेण दढो तुम्हाणं संजायइ पच्चओ एत्थ ॥१९॥५७८८॥
१. हुंति जे० का०।। २. रम्म का० ।।
