________________
सच्चस्स अक्खाणयं
सिरिसंति-ॐ तो भावणेण भणियं 'गंतव्य निच्छएण भाइ ! मए । अविसज्जिएण वि दढं' इय सोउं जंपए सच्चो ॥७६॥५७६५॥ नाहचरिए 'जइ एस णिच्छओ ता वच्च तुम किंतु एमि अहयं पि' । सो भणइ 'होउ एवं,' सामग्गि करिय तो चलिया ॥७७॥५७६६॥
* गभीरयनयराओ आरूढा पवहणे पहाणम्मि । अणुकूलवायवसओ सायरपारम्मि ते पत्ता ॥७८॥५७६७॥
तत्थ य ववहरिऊणं वलिया दटुण लाहमइगरुयं । आगच्छंताण तओ जलनिहिणो मज्झयारम्मि ॥७९॥५७६८॥ दटुण तत्थ किंची भणइ तओ भावणो जहा 'एसो । किं जं तेहिं न दिवो दीवो वणराइपरिहीणो ?' ॥८०॥५७६९॥ ५ तो जंपइ णिज्जामयपुरिसो जंह 'होइ एस नो दीवो । किंतु जलाओ उवरिं पइटिओ एस महमच्छो' ॥८१॥५७७०॥ तो भावणेण भणियं 'भुल्लो तं भद्द ! एस न हु मच्छो । ता दीवो चिय एसो, मा अन्नं किंपि कप्पेहि ॥८२॥५७७१॥ णिज्जामएण भणियं 'मच्छो चेवेस, होइ नो दीवो' । इयरेण वि पुण भणियं 'एत्तियमेत्तो ण मच्छो त्ति ॥८३॥५७७२॥
किं नो पेच्छसि भद्दय ! जेत्तियमेत्तम्मि पसरए दिट्ठी । तत्थ इमो चिय दीसइ, ता कह मीण इमं भणसि? ॥८४॥५७७३॥ ॐ जइ होइ कहवि मीणो तो घरवत्ताए होउ मह पणियं' । इयरेण वि पडिवन्न तव्वयणं 'होउ एवं' ति ॥८५॥५७७४॥
अह णिज्जामयपुरिसो गंतुं तस्सुवरि बालए अग्गि । तो अग्गितावतविओ झडत्ति मच्छो जले बुडो ॥८६॥५७७५॥ एवमिमं काऊणं अणुकूलयपवरवायजोगेण । पत्ता गंभीरयपट्टणम्मि खेमेण सव्वे वि ॥८७॥५७७६॥
१. भाय का० ।। २. जह एस होइ नो जे० का० ।। ३. एवमिई का जे०॥
