________________
सिरिसंतिनाहचरिए
बेइंदिया उ संखा सिप्पी किमियादओ जिणक्खाया । तेइंदिया उ कीडिय मंकोडय-मंकुणाइया ॥४॥५६९३॥ चउरिंदिया उ णेया पयंग-तिड्डा य मच्छिया मसगा । ढिंकुणमाई बहवे, पण्णत्ता वीयरागेहिं ॥ ५ ॥ ५६९४॥ पंचिदियजीवा पुण रईया तिरिय मणुय देवा उ । णेरइया सत्तविहा सत्तसु पुढवीसु नायव्या ॥६॥५६९५॥ छेयण-भेयणमाई दुक्खं विसर्हति ते तहिं पडिया । जत्थ उ निमेसमेत्तं पि णत्थि सोक्खं कयाई वि ॥७॥५६९६॥ तिरिया अणेगभेया जल-थल - खहचारिपमुहभेएहिं । तत्थ वि नरयसमाणं बहुदुक्खं, अप्पयं सोक्खं ॥ ८॥५६९७॥ मावि कम्मभूमा कम्मभूमा तहंतरद्दीवा । भरहेरवय- विदेहय पण-पण-पणभेयओ या ॥ ९॥५६९८ ॥ तत्थ विदेहेसुसया अवटुओ सासओ भवे कालो । पुव्वाण कोडिमाऊ, उच्चत्तं धणुह पंचसया ||१०|| ५६९९॥ जिण चक्कवट्टि -बलदेव-केसवा तत्थ होति सयकालं । दुसमसुसमाणुभावं अणुहुति सया वि ते मणुया ॥११॥ ५७०० ॥ तीस अंकम्मभूमी जहियं भुजंति जुवलिणो भोगे । भोगंगाई हुति उ कप्पतरूणं पभावाओ || १२ ||५७०१ ॥ तहियं ण कूरकम्मा, ण य सुहकम्मा वि होंति ते मणुया । अप्पकसायत्ताओ मरिऊणं जंति सुरलोए ॥१३॥५७०२ ॥ १० छप्पन्नंतरदीवा अकम्मभूमीसमा णरा तत्थ । जुवलयधम्मम्मि प्रिया भोगे भुंजंति सयकालं ||१४|५७०३॥ देवा वि उविगप्पा पण्णत्ता मोहमल्लमहणेहिं । भवणवइ-वाणमंतर - जोइसिया तह य वेमाणी || १५ || ५७०४ ।।
१. ढेंकु' पा० ।। २. "इया मणुय तिरिय देवा का० । ३. दुक्खं च सहिति जे० ॥ ४ °यविदेहे पण का० ।। ५. जुहोति का० ॥। ६. दृश्यतां चतुर्थ परिशिष्टम् ॥
सच्चस्स
अक्खाणयं
६८५
