________________
सिरिसंतिनाहचरिए
सच्चस्स अक्खाणयं
उव्वट्टिऊण य तओ भमिही संसारगुविलकंतारं । दुक्खसयाई लहतो मूयत्ताईणि विविहाणि ॥१५॥५६८७॥ एवं एसो पावो अलियव्याओ महादहकरो" त्ति । अलियच्चाएण पुणो पावइ विविहाई सोक्खाई॥१६॥५६८८॥ जह सच्चेणं नियभाइवइयरे पावियं महासोक्खं । एयं पि कहिज्जंतं कहाणयं निसुणह खणं पि ॥१७॥५६८९॥
"अत्थि वडवद्दयं नाम नयरं । तत्थ य पुरिसोत्तमो नाम राया । इओ य तम्मि नयरे अत्थि जिणदत्तो नाम सेट्ठी । जिणदासी नाम तस्स भारिया । ताणं च जम्मंतरोवज्जियविसयसुहमणुहवंताणं समुप्पन्ना दुवे पुत्ता । पढमस्स पइ-५ हावियं नाम सच्चो त्ति, बीयस्स कयं नाम भावणो त्ति । वडूढंति य देहोवचएणं कलाकलावेण य, जाव पत्ता नवजोव्वणं । परिणाविया [ओ] कुलबालियाओ । एत्थंतरम्मि य विचित्तयाए कम्मपरिणामस्स पंचत्तीहओ तेसिं पिया, जाव ते चेव कुडंबनायगा संजाया । अन्नया य सुहपसुत्तेण जग्गियं जेट्टेणं । तओ 'रयणी परिगलिय' त्ति काऊण चिंतेउमाढत्तो, अवि य"तियसिंदविंदवंदिज्जमाणपायारविंदजुयलेहिं । पण्णत्ता जे भावा, ते सच्चा, नऽत्थि संदेहो ॥१॥५६९०॥ जम्हा हु नवपयत्था जीवाईया जिणेहिं पण्णत्ता । तत्थ य जीवा दुविहा-संसारत्था य मुत्ता य ॥२॥५६९१॥ संसारत्था णेया तस-थावरभेयओ, तसा तत्थ । बेइंदिय तेइंदिय चउरिदिय तह य पंचिंदी ॥३॥५६९२॥
१०
८४
१. नाम नास्ति पा० ।। २. दृश्यतां चतुर्थ परिशिष्टम् ।।
