________________
सिरिसंतिनाहचरिए
दुण्हं मित्ताणं अक्खाणयं
'किंमित्त! तुम भुल्लो? किंवा भुत्तो सि सन्निवाएण?। किं वा विगहग्गहिओ? मइसम्मोहो व्व किं वा वि? ॥४॥५६७६॥
जेण तुमं मह पासे मग्गसि अविढोइयं पिधणलक्खं । एवं अवलत्तम्मि रेवइणा कोववसगेणं ॥५॥५६७७॥ * गंतुं रायसमीवे जहट्ठियं सव्वमेव विन्नत्तं । अणुसयवसगेण तहा लिहावियं रायबहियाए ॥६॥५६७८॥
रण्णा वि समाइटुं पंचउलं जह 'इमस्स ववहारं । परिभाविऊण, सिग्धं छिंदह सत्थाणुसारेण' ॥७॥५६७९॥ तत्तो कारणिएहिं अह पुट्ठो रेवई जहा 'भद्द! । किं अत्थि एत्थ सक्खी को वि हु ?' सो भणइ 'णत्थि' त्ति ॥८॥५६८०॥ सक्खिविहणं नाउं कारणिएहिं नरेंदपच्चक्खं । उन्भविया पवरतुला, सच्चेण वि साविया एवं ॥९॥५६८१॥
'जइ धारणो धरेई लक्खं एयस्स तो पड़उ सिग्य' । एसा दिव्वम्मि तुला पडिया सहस त्ति तो पुण वि ॥१०॥५६८२॥ * भणिया कारणिएहिं 'जइ धरइ धारणो इमस्स इमं । तो मा पडउ तुलेय' नो पडइ देवयवसेण ॥११॥५६८३॥
तं दटुणं राया कोववसाऽऽतंबलोयणो भणइ । रे पाव ! देहि लक्खं पच्चक्खयचोर ! किं बहुणा ?' ॥१२॥५६८४॥ दिन्नम्मि दव्वलक्खे तत्तो आइसइ झत्ति तलयारं । २ रे छिंदसु जिभं एवमलीयं भणंतस्स' ॥१३॥५६८५॥ गेण्हित्तु तलारेणं जिभाए छेयणं तओ विहियं । एवं एसो मरिउं उप्पन्नो नरयवासम्मि ॥१४॥५६८६॥
१. हु एसो भ° पा०॥
