________________
सिरिसंतिनाहचरिए
ता तुमं धुवं एयदोसकारी, ता अम्हाणं बज्झो त्ति' । जणएण वि महया कडेण मन्नाविऊण सेटुिं पुणो विमाहवकुमारस्स *गिहमाणीओ" । ता एसा वि भत्तविकहा अणत्थहेउ त्ति, अवि य
अक्खाणयं "एसा वि हु भत्तकहा कजं न हु किंपि एत्थ साहेइ । आणेइ तह अणत्थं, तम्हा परिहरह जत्तेण" ॥१६॥५५२७॥ तहा अन्नदिणम्मि माहवेणं समाढत्ता देसकहा, अवि य'देसाण मगहदेसो वन्निज्जइ एत्थ जीवलोयम्मि । जो धण-धन्नसमिद्धो नइ-सरवर-वाविरमणीओ ॥१७॥५५५२८॥ बहुविहवणसंडेहिं पए पए पेच्छियव्वयसरूवो । जो पुण सुरझुविसओ, णिक्किट्ठो सो हु देसाणं ॥१८॥५५२९॥ तत्थ ण कोवि विवेगो जम्हा आहीरपूरिओ वसई' । एत्तो य रायदोवारिया उ सोरटुविसइल्ला ॥१९॥५५३०॥ तत्थ सहामज्झम्मि अच्छंती तेहिं तं निसामेउं । भणिओ रे रे निंदसि किं पाय ! सुरटुदेस ति ॥२०॥५५३१॥ सव्याण वि देसाणं मज्झे चूडामणि व्य जो सहइ । तं पि तुमं निंदतो णिग्गहजोगो फुडं होसि' ॥२१॥५५३२॥ तो माहवेण भणियं 'सरूवकहणे वि णिग्गहो को णु ?' | तं सोउं ते रुट्ठा आवडिया तस्स हणणत्थं ॥२२॥५५३३॥ सो वि हु कोवारुणिओ उटुइ अह ताण सम्मुहं चेव । तो दोण्ह वि खणमेकं जुझं असमंजसं जायं ॥२३॥५५३४॥
६
६
२
१. "हणेण णि° पा० ।। २. दुण्ह जे० ।।
