________________
सिरिसंतिनाहचरिए
भाणुदत्तस्स अक्खाणयं
तहा वि उटेड न सो पमत्तो मग्गस्समेणं परिसंतगत्तो । दटुण तं कटुसमं विलुद्धो, जोएइ दव्वाइ मणे असुद्धो ॥१३॥५४८७॥ जोयतएण अह तेण दिट्ठो, एगत्थ गंडीए मणी विसिहो । घेत्तूण तं जाइ दुयंदुएणं, कालेण उद्धेइ इमो निएणं ॥१४॥५४८८॥ जा सुन्नु वत्थंचलु तेण दिटो 'हा देव्य ! किं संपइ अज्ज महो?' सोयंतओ एव दढं मणेणं, पविटु नयरम्मि तओ खणेणं ॥१५॥५४८९।। करेइ कम्माई तहिं पुरम्मि नाणाविहाई जणमज्झयम्मि । मेलेइ कालेण पभूयएण, दम्मस्सहस्सं कयकम्मएणं ॥१६॥५४९०॥ विक्केवि तं लेइ सुवण्णयं तु घेत्तुं पुणो जाइ घरम्मुहं तु । एगस्स गामस्स बहिम्मि सुत्तो अईवनिदाए भरेण जुत्तो ॥१७॥५४९१॥ चोरेण एगेण तहिं पि मुट्ठो, किं कीरऊ ? निद्दपमाओ हो । पभूयकालेण य जग्गियं तु पेच्छेइ गठि पुण सुन्नयं तु ॥१८॥५४९२॥ नीयम्मि तो तम्मि सुबन्नयम्मि अचंतदुक्खोहहओ मणम्मि । अम्मि झाणम्मि उ वट्टमाणो खणेण संवेगगओ समाणो ॥१९॥५४९३॥
