________________
सिरिसंति
मंगलकलसकहाणयं
"एत्थेव जंबुदीवम्मि भारहऽद्धम्मि दक्खिणे । णयरीए अओज्झाए आसी आइजिणेसरो ॥१॥११०॥ अवंतीवद्धणो णाम तस्सुप्पन्नो सुनंदणो । तस्स णामेण संजाओ अवंतीणाम जणवओ ॥२॥१११॥ तम्मि णीसेसदेसेसु विक्खाया णायगा पुरी । उज्जेणीणाम पच्चक्खा धणयस्सेव णं पुरी ॥३॥११२॥ जा य वावी-तडागेहिं उज्जाणेहिं य मंडिया । हट्ट-प्पव-सहाईहिं आणे आणे विराइया ॥४॥११३॥ परनरालंघियाए उ सच्छभावाए सव्वया । महासइसरिच्छाए खाइयाए सुवेढिया ॥५॥११४॥ उत्तुंगेणं सुवित्तेणं परोवद्दवहारिणा । सज्जणेण व सुद्धेणं पायारेणमलंकिया ॥६॥११५॥ पालए तं पुरि राया वैरिसीहो त्ति णामओ । णिचं विक्खायकित्तीओ वेरिवारणकेसरी ॥७॥११६॥ तस्सऽत्थि सव्वभज्जाणं विसिट्ठा रूवसालिणी । सोमचंद त्ति नामेणं देवी सोहग्गसालिणी ॥८॥११७॥ इओ य अत्थि तत्थेव गोरव्यो तस्स राइणो । धणदत्तो त्ति णामेणं सेट्ठी पुण्ण-गुणालओ ॥९॥११८॥ विणीओ उवसंतप्पा धम्मिट्ठो सीलसंजुओ । जिणिंद-साहुपायाणमाराहणसमुजओ ॥१०॥११९॥ सील-सच्च-णयोवेया सुरूवा चारुभासिणी । सव्वत्थोचियकायब्वे रया अस्थि सुभारिया ॥११॥१२०॥ सच्चभाम त्ति णामेणं अवच्चपरिवज्जिया । मज्झिमम्मि वए ताव पत्ताई ताई दोन्नि वि ॥१२॥१२१॥
१. राया बइरसी का०।। २. विसिट्ठो पा०||
