________________
सिरिसंतिनाहचरिए
मुणिदेसणा
जहा णराणं इह कामकुंभो भवे सया कामियकज्जकारी। तहा तवो होइ मणोगयाणं सुहाण दाया खलु तप्पमाणो ॥२७॥१०१॥ भावण सुहमणकारय, भवसायरतरण, दुद्दमकरणतुरंगह भावण कयदमण ।
सुक्कझाणउप्पायग, केवलनाणकर, कामधेणु वर भावण एक्क जि होइ पर ॥२८॥१०२॥ भावणाए पयट्टाणं उम्मग्ग जाइ णो मणं । धम्मट्ठाणेसु सव्वेसुं सुहेसु संपयट्टए ॥२९॥१०३॥ संसारसायरो घोरो अपारो वि सरीरिणं । भावणं भावयताणं गोपयं पिव भासए ॥३०॥१०४॥ दुद्दमा इंदिया पंच हया उम्मग्गगामिणो । भावणाए धरिजंति मोक्खमग्गे सुहावहे ॥३१॥१०५॥ भावणाए सुहाए उ भावियाए णिरतरं । सुक्कज्झाणं समारोहे णरो कम्मक्खयंकरं ॥३२॥१०६॥ भावणं भावयंतस्स सुहाणुटुाणकारिणो । उप्पज्जए वरं नाणं लोयाऽलोयप्पयासयं ॥३३॥१०७॥ कामधेणू जहा देइ दुज्झमाणी मणिच्छियं । देवचंदेहि सूरीहिं वण्णिया भावणा तहा" ॥३४॥१०८॥
एवं मए तुज्झ चउविहं पि धम्म समक्खायमओ सुणाहि ।
आबालगोवालहियटुयाए माहप्पमेएण कहाणएणं ॥३५॥१०९॥ १. मणोमया' पा० का० ।। २. उप्पायण पा० ।। ३. मणेच्छि° पा० ॥
