________________
मुणिदेसणा
सिरिसंतिनाहचरिए
सव्वाणि मारीपमुहाणि जाणि द्रवाणि जीवाण भयंकराणि । भत्तीए तत्तेण तवेण णिचं खिप्पं विणासं दुरियाणि जति ॥२१॥९५॥ आयास-पायाल-वणंतराले अन्भुग्गया मंदपसप्पमाणा । कित्तीलता विद्धिमुवेइ सम्मं सित्ता तवेणं सुजलप्पहेणं ॥२२॥९६॥ जो तप्पए उग्गतवं महप्पा निस्संगचित्तो भवभीयगत्तो। सो देवलोयाहिवईहिं णिचं बंदिज्जए भत्तिभरोणएहिं ॥२३॥९७॥ जम्मंतराऽऽवज्जियदुटुकम्मपाहाणसंघायऽभिचूरणम्मि । णिम्माविओ वञ्जसिलाचएणं उग्गो तवो होइ घणो महतो ॥२४॥९८॥ संसारणिव्याणसमुद्भवाणि सोक्खाणि सव्वाणि वि सुंदराणि । जीवस्स आणंदकराणि जाणि ताणं पि हेऊ सुतवोऽणुचिण्णो ॥२५॥९९॥ जे केइ लोयम्मि गुणा पसत्था दीसंति जीवाण हिएक्ककारी ।
निस्सेसयाणं पि तवप्पहाणो डाणं भवे ताण नरो पडो व्य ॥२६॥१००॥ १. गणं नरो ताण भवे पड़ो व्य । जे० का० ।।
