________________
गंधव्वनागदत्तस्स * अक्खाणय
सिरिसंति- 'सिद्धे नमंसिऊणं संसारत्था य जे महाविजा । वोच्छामि डंडकिरियं विसवेगविणासणिं परमं ।।१०६॥५४५०॥ नाहचरिए सव्वं पाणऽइवायं पञ्चक्खइ, तह य अलियवयणं च । सव्वमदत्तादानं अब्बंभ परिग्गहं साहा' ॥१०७॥५४५१॥
एवं च भणियमेत्ते निद्दासुत्तो व्य उटुिओ एसो । सयणेण य सव्वं पि हु सिटुं किरियाइयं तस्स ॥१०८॥५४५२॥ ण य सद्दहइ तमेसो भणइ य 'को मरइ एयसप्पेहिं?'। इय भणिऊणं च इमो उद्धावइ नियघराभिमुहं ॥१०९॥५४५३॥ पडिओ य तक्खणेणं पुणरवि निन्नटुचेयणो एसो । सयणो वि पुणो देवं पभणइ 'जीवावसु इम' ति ॥११०॥५४५४॥ देवेण वि पडिभणियं 'जोगो एसो न सटुकिरियाए' । 'अम्हाणुवरोहेणं जीवावसु' भणइ सयणो वि ॥१११॥५४५५॥
तो पुणरवि तेण कया किरिया सा चेव उढिओ सो वि । पुणरवि असद्दहतो घरसमुहं चलइ सहस त्ति ॥११२॥५४५६॥ * निवडइ य तक्खणं चिय एसो पुण चक्कछिन्नरुक्खो व्य । सयणुवरोहेण पुणो तह चेव पवत्तए किरियं ॥११३॥५४५७॥
तह चेव पटुिओ जा तहेव पडिओ, तहेव पुण सयणो । विन्नवइ पायवडिओ, देवो पुण णेच्छए कहवि ॥११४॥५४५८॥
पभणइ य जहा 'एसो अच्चंतं पावचित्तपरिणामो। पडिवज्जइ नहु किरियं, न हु किंचि वि सद्दहे तह य ॥११५॥५४५९॥ * मन्नइ न मित्तवयणं, न य मन्नइ जणणि-जणयवयण च । न य मन्नइ मह वयण, ता कह किरियं पउंजामि? ||११६॥५४६०॥
जो एयाणं वयणं सव्वाण वि नेय मन्नए अहमो । सो कह किरियाजोगो?' इय भणिए भणइ पुण सयणो ॥११७॥५४६१॥ 'एसा हु तइयवारा विणिच्छओ एत्थ जेण लोएहिं । भन्नइ इममाहाणं सुपसिद्धं एत्थ भुवणम्मि ॥११८॥५४६२॥ १. रत्थाण जे० ० ।। २. "हावेजा का० ।। ३. स्वाहा त्रु० ।। ४. णिच्छ त्रु० ।। ५. “याजोग्गो त्रु० ।।
६४९
